FT. BP-ն ներդրողներին 175 մլն դոլար կվճարի Մեքսիկական ծոց նավթ թափելու համար

Բրիտանական նավթային հսկա BP-ն 175 մլն դոլար կվճարի Մեքսիկական ծոցում նավթ թափելու հետ կապված ամերիկացի ներդրողների պահանջները կարգավորելու համար, գրում է Gazeta-ն` վկայակոչելով Financial Times-ին:

Հաղորդվում է, որ կարգավորումը վերաբերում է մի շարք ներդրողների պահանջներին, որոնք BP-ի ամերիկյան դեպոզիտային ստացագրեր են գնել 2010-ի ապրիլի 20-ին հարթակում պայթյունից հետո, բայց ավելի շուտ, քան հայտնի կդառնար թափված նավթի ամբողջական ծավալը: Ընկերությունը խոստովանել է, որ իր ղեկավարությունը խաբել է նավթի ծավալների մասին` ընկերության բաժնետոմսերի գները պահպանելու նպատակով:

Կոլեկտիվ հայցը պետք է Հյուսթոնի դատարանում ուսումնասիրվեր եկող ամիս, սակայն BP-ն համաձայնել է վճարել նշված գումարը: