Որմնաբույս. ՀՀ Բույսեր

Որմնաբույս (լատ.՝ Parietaria), կռվինչ, ապակեխոտ, ապիկո փրփուր, պատեղիճ, եղինջագգիների ընտանիքի միամյա և բազմամյա խոտաբույսերի ցեղ։ Հայտնի է 12 տեսակ։

Կենսաբանական նկարագիր
Կոճղարմատներով կամ հիմքում փայտացած ցողուններով խոտաբույս է։ Տերևները կոթունավոր են, հերթադիր, ամբողջաեզր, թավոտ կամ գեղձային մազիկներով։ Ծաղիկները երկսեռ Են, առանց պսակաթերթիկների։ Ծաղկում է ապրիլ-հունիսին։ Պտուղը ձվանման է։ Նպաստում է հողառաջացմանը։

Հայաստանում
ՀՀ-ում՝ 5 տեսակ՝

• որմնաբույս հուդայական (Parietaria juda- ica),
• որմնաբույս ուղիղ (Parietaria erecta),
• որմնաբույս թաքնված (Parietaria cryptarum),
• որմնաբույս սերբիական (Parietaria serbica),
• որմնաբույս մանրածաղիկ (Parietaria micrantha)։

Տարածում
Տարածված է ՀՀ բոլոր մարզերում։ Աճում է ժայռաճեղքերում, խոնավ և ստվերոտ վայրերում (մինչև ենթալպյան գոտի)։