Ամեն պոկված ծաղիկ այլևս տուն չի դառնում բզեզների համար․․․
![](https://econews.am/disk/22-04-21/d61c5599c78f52d3552b45529e60a20a.jpg)
«Սկսվել է գարնանային չքնաղ բույսերի ծաղկումը մեր հայրենիքում: Գիտեմ, որ շատերդ եք սիրում այս ծաղիկները և գնահատում նրանց նշանակությունը: Բայց հազարավոր մարդիկ տեսնելով նրանց՝ պոկում են, հավաքում փնջեր, հյուսում պսակներ ու կես ժամից դեն նետում, որովհետև այս բույսերի կյանքը պոկվելուց հետո շատ կարճ է»,– գրել է Թամար Գալստյանը,– շարունակելով․ «Ամեն պոկած ծաղիկի հետ մի լավ բան է պակասում մեր երկրից: Ամեն պոկված ծաղիկ այլևս տուն չի դառնում բզեզներին, մեր օդը չի լցնում իր բույրով ու սերունդ չի տալիս: Պարզապես, երբ քաղում ենք ծաղիկը, կտրում-հեռացնում ենք նրա գոյատևման շղթայից մի օղակ: Պատկերացրեք, թե ինչքան է կարճանում այդ շղթան, երբ պակասում են հազարավոր այդպիսի օղակներ:
Լանջը, քարափը, ավազաբլուրը որտեղ նրանք աճում են՝ իրենց տունն է, վայրը, որտեղ նրանք ծնվում են, հասունանում ու սերունդ տալիս: Մտնելով այդ վայրը, մենք մտնում ենք նրանց տուն, ուստի, մեզ պետք է պահենք շնորհակալ հյուրի նման, նայենք, հիանանք և առանց բույսերը վնասելու հեռանանք:
Քանի կան այս բույսերը մեր շուրջը՝ մենք էլ կանք: Այն օրը, երբ կքաղվի, կտրորվի, կվերանա վերջին հիրիկը, շուշանն ու արքայածաղիկը, վարդակակաչն ու թրաշուշանը՝ մենք էլ կդադարենք գոյություն ունենալ:
Նկարում նրբագեղ հիրիկն է: Գրանցված է ՀՀ Կարմիր գրքում»:
Այս թեմայով
![](/timthumb.php?src=http://econews.am/disk/14-11-22/53668a4135094479e1b121499ec66b4c.jpg&w=300&h=200)
![](/timthumb.php?src=http://econews.am/disk/03-10-22/3ed0cd88a585d0b9063c72d82930f05a.jpg&w=300&h=200)
![](/timthumb.php?src=http://econews.am/disk/28-09-22/670038f86dafd3cc3fe7618aaf9630b1.jpg&w=300&h=200)
![](/timthumb.php?src=http://econews.am/disk/04-08-22/16f263d3bdd555825860dc936dccb1e6.jpg&w=300&h=200)
![](/timthumb.php?src=http://econews.am/disk/25-07-22/ab769a815945486c4fed49b662a2cbf7.jpg&w=300&h=200)