Ջրակարոս. ՀՀ Բույսեր

Ջրակարոս (լատ.՝ Sium), ճահճակարոս, առվի կարոս, նեխուրազգիների (հովանոցավորներ) ընտանիքի բազմամյա ջրաճահճային խոտաբույսերի ցեղ։ Հայտնի է 10 (այլ տվյալներով՝ 15) տեսակ։

Հայաստանում

ՀՀ-ում՝ 1 տեսակ՝

Ջրակարոսը սիզարային (լատ.՝ Տium sisarum)։

Տարածում

Տարածված է Լոռու, Գեղարքունիքի, Արարատի, Արմավիրի մարզերի նախալեռնային հարթավայրերի ճահճոտ ու գերխոնավ վայրերում, լճակների և գետերի ափերին, երբեմն առաջացնում է համատարած բուսուտներ։

Կենսաբանական նկարագիր

Ցողունը մերկ է, վերին մասում՝ ճյուղավորվող, բարձրությունը՝ 50-150 սմ։ Տերևները փետրաձև են։ Ծաղկաբույլը բարդ հովանոց է, ծաղիկները՝ մանր, սպիտակ։ Ծաղկում է հունիս-սեպտեմբեր ամիսներին։ Պտուղը օվալաձև սերմիկ է։

Քիմիական կազմ

Պարունակում է եթերայուղեր, ալկալոիդներ։ Արմատները թունավոր են։