Գայլերի մորթիների ընդունման աշխատանքները մեկնարկում են
ՀՀ բնապահպանության նախարարի հրամանով ստեղծված Գայլերի թվաքանակի կարգավորման և միջոցառումների իրականացման հանձնաժողովը սկսում է գայլերի մորթիների ընդունման աշխատանքները:
Այն մեկնարկելու է սույն թվականի ապրիլի 28-ից՝ յուրաքանչյուր հինգշաբթի օրը, ժամը 14.00-ից 18.00-ը, ՀՀ Գիտությունների ազգային ակադեմիայի կենդանաբանության և հիդրոէկոլոգիայի գիտական կենտրոնի կենդանաբանության ինստիտուտի մասնաշենքում /հասցե ք. Երևան, Պ. Սևակի 7 /Քանաքեռ-Զեյթուն վարչական շրջան/, մուտքը բակի կողմից:
Մորթիների մի մասը տրվելու է ՀՀ Գիտությունների ազգային ակադեմիայի կենդանաբանության և հիդրոէկոլոգիայի գիտական կենտրոնի կենդանաբանության ինստիտուտին՝ գիտահետազոտական աշխատանքների համար, մի մասը՝ Հայաստանի բնության թանգարանին՝ էքսպանատներ պատրաստելու համար: Մնացած մասը կոչնչացվի հատուկ սեպտիկ հորերում:
Հիշեցնենք, որ գայլերի սպանդի համար գործադիրը բնապահպանության նախարարութանը հատկացրեց 24 669 200 դրամ՝ 200 գայլ սպանող որսորդներին պարգևավճար տալու համար: