Կարմիրգրքյան հիրիկները շարունակում են ոչնչացվել․․․
![](https://econews.am/disk/17-05-22/d33a5e6e66478a058f3381f92bb77c88.jpg)
![](https://econews.am/disk/17-05-22/3ced5f03a6031d89faffc5f6d2a95930.jpg)
Այս տարի հիրիկների համար չորս անգամ գնացի Արարատի մարզ ու Գառնիի շրջակայք:
Էն լանջերին, որտեղ սովորաբար տեսնում էի տասնյակ հիրիկներ, գտա միայն մի քանիսը: Բայց գտա նաև բազմաթիվ կերված, կտրտված ու տրորված տերևներ, որոնք էդպես էլ չէին հասցրել մեծանալ ու ծաղկել:
Ամենուրեք միայն անցած տարվանից մնացած օշինդրի խրձրերն էին, ու տարատեսակ աղբը»,– գրել է բույսերի գիտակ Թամար Գալստյանը՝ շարունակելով,– «Խոսքը մեր բնության, ինչպես նաև աշխարհում ամենաարժեքավոր բույսերի՝ Հիրիկ նրբագեղ (Iris iberica ssp. elegantissima) և Հիրիկ գայլականջ (Iris iberica subsp. lycotis) տեսակների մասին է, որոնք գրանցված են ՀՀ Կարմիր գրքում: Այն վայրերը, որտեղ հարյուրավոր տարիներով աճել են այս հիրիկներն այժմ այնպես են շահագործվում, որ անգամ մոլախոտը չի հասցնում մեծանալ: Ամեն նոր ծիլ անմիջապես ուտվում է: Ուր աչքդ թեքես՝ ոչխարների հոտեր են արածում: Մեծ հոտեր, հարյուրավոր ոչխարներով:
Այս տեմպերով արածեցումը բերելու է հողի արժեզրկման ու դեգրադացիայի, աղետի, որի շտկումը տասնյակ տարիներ ու հսկայական ռեսուրսներ է պահանջելու: Շատ եմ գրել ոչխարի, և ընդհանրապես, գերարածեցման վտանգների մասին, հատկապես, լեռնոտ երկրներում:
Ինչևէ, որևէ պատկան մարմին գիտի՞, թե քանի գլուխ ոչխար է արածում մեր երկրում, որտե՞ղ է արածում և ի՞նչ ինտենսիվությամբ: Մարդիկ ասում են, թե ոչխարի քանակը մի քանի անգամ գերազանցում է այն, ինչ կարող են բավարարել մեր արոտավայրերը: Դրա համար էլ հոտերն ամենուրեք են, նույնիսկ անտառների սահմանային մասերում, բոլոր քիչ թե շատ ծառապատ վայրերում ու բնական խոտհարքերում:
Ու՞ր են, ի վերջո, տարվում այդ կենդանիները: Ինչքան ես գիտեմ, մեր բնակչությունը ոչխարի միս էդ քանակությամբ չի օգտագործում:
Եվ ամենակարևորը, հնարավո՞ր է, արդյոք, այդ երկու հիրիկների աճելավայրերը գրանցել որպես պահպանվող տարածքներ և, այդպիսով, փրկել մեր բնության ամենաարժեքավոր բույսերը ոչնչացումից»:
Այս թեմայով
![](/timthumb.php?src=http://econews.am/disk/14-11-22/53668a4135094479e1b121499ec66b4c.jpg&w=300&h=200)
![](/timthumb.php?src=http://econews.am/disk/22-07-22/85f65b570206cf9b00c3b698515da7b4.jpg&w=300&h=200)
![](/timthumb.php?src=http://econews.am/disk/14-07-22/b6b70830d104e2f628f7409f3f156cea.jpg&w=300&h=200)
![](/timthumb.php?src=http://econews.am/disk/11-07-22/efbc6ebfd64d1255b44d027bff19cb36.jpg&w=300&h=200)
![](/timthumb.php?src=http://econews.am/disk/27-06-22/bc2c710bea6f69e117f8a13b3eb4c73b.jpg&w=300&h=200)