Փշակիր. ՀՀ Բույսեր

Փշակիր, փշահովանոցուկ, էխինոֆոր, (լատ.՝ Echinophora), նեխուրազգիների (հովանոցավորներ) ընտանիքի բազմամյա խոտաբույսերի ցեղ։

Տեսակներ
Հայտնի է 10, ՀՀ-ում՝ 2 տեսակ՝

• փշակիր արևելյան (լատ.՝ E. orientalis)
• փշակիր բարակատերև (լատ.՝ E.tenuifolia)։

Տարածում
Տարածված է Կոտայքի, Արմավիրի, Արարատի, Սյունիքի, Վայոց ձորի և այլ մարզերում, Երևանի շրջակայքում։ Աճում է չոր, քարքարոտ, խճոտ լանջերին։

Կենսաբանական նկարագիր
Ցողունի բարձրությունը 20-60 սմ է։ Տերևները կրկնակի-եռակի փետրաձև հատվածավոր են։ Ծաղկաբույլը հովանոց է, ծաղիկները՝ սպիտակ կամ դեղին։ Ծաղկում է հունիս-օգոստոսին։

Կիրառություն
Դեղաբույս է. պարունակում է եթերայուղեր։