Քաֆուրխոտ. ՀՀ Բույսեր

Քաֆուրխոտ (լատ.՝ Camphorosma), թելուկազգիների ընտանիքի միամյա կամ բազմամյա խոտաբույսերի կամ ցածրաճ կիսաթփերի ցեղ։

Տարածում
Տարածված է Արարատի, Գեղարքունիքի, Սյունիքի և այլ մարզերում։ Աճում է քարքարոտ, աղուտալկալի լանջերին կամ աղուտներում և գիպսակիր կավերում։

Կենսաբանական նկարագիր
Կիսաթփերի բարձրությունը 25-75 սմ է։ ճյուղերը կարճ են, փայտացող, հողի վրա առաջացնում են բարձիկներ կամ փուխր ճիմ։ Տերևները կոշտ են՝ փնջերով, բզաձև, կարճ, մազմզուկապատ։ Ծաղկաբույլը հասկանման է, ծաղիկները՝ մանր, հիմնականում՝ երկտուն։ Ծաղկում է մայիս-սեպտեմբերին։

Նշանակություն
Պարունակում է մոտ 0,2 % եթերայուղ։ ժողովրդական բժշկության մեջ օգտագործվում է որպես միզամուղ, քրտնաբեր, գրգռիչ միջոց։