Մերժում ենք քաղաքապետին, ով տարիներ շարունակ աջակցել է կենդանիների սպանդին (ֆոտոշարք)
![](https://econews.am/disk/10-05-18/1f94321b0af91749458daa6e6b2e85e0.jpg)
![](https://econews.am/disk/10-05-18/cebce4fcb115a4502deadf1f9b9090da.jpg)
![](https://econews.am/disk/10-05-18/9e2ec0b2d7de06651957e109d5d9915b.jpg)
![](https://econews.am/disk/10-05-18/35f610bfe053c63aa687a435f7dfe6b5.jpg)
![](https://econews.am/disk/10-05-18/4263b16a977e1b0ba1c07f6bc2d43a76.jpg)
![](https://econews.am/disk/10-05-18/3d7656fb2e8622806fa915c0e1725d62.jpg)
![](https://econews.am/disk/10-05-18/808b9e9314a98980c70327f9fcd09516.jpg)
![](https://econews.am/disk/10-05-18/7c018dd7e43f7c9bf3f2f8141844ceef.jpg)
![](https://econews.am/disk/10-05-18/5836ccc03c33fbaa8957ceec4cd682c6.jpg)
![](https://econews.am/disk/10-05-18/e47e4d09786ebf76a9da37574d13c2ed.jpg)
![](https://econews.am/disk/10-05-18/d166d760d941eb5f40043c01b0287704.jpg)
![](https://econews.am/disk/10-05-18/2077ea396d6f25665013137b9dec7b88.jpg)
![](https://econews.am/disk/10-05-18/c651d58e7ba02af9655fb1e2fcc4907f.jpg)
![](https://econews.am/disk/10-05-18/2196330805a4c883a3a30017b9d7bb7b.jpg)
Այսօր՝ մայիսի 10-ին, Քաղաքապետարանի շենքի դիմաց հավաքված մարդկանց բազմությունը պահանջում էր Երևանի քաղաքապետ Տարոն Մարգարյանի հրաժարականը: Բողոքի ակցիայի մասնակիցները հրապարակավ ելույթներով թվում էին Երևան քաղաքում առկա բազմաթիվ խնդիրները, որոնք անհանգստացնում են բնակիչներին: Այդ թվում նաև բարձրաձայնվեցին բնապահպանական խնդիրներ, ինչպիսին օրինակ՝ Երևանում կանաչապատ տարածքների խնդիրը, աղբահանության խնդիրը և այլն:
Տարոն Մարգարյանի հրաժարականի պահանջին մասնակցում են նաև «Դինգո թիմի» անդամները՝ բարձրաձայնելով թափառող կենդանիների տարիներ շարունակ չլուծվող խնդրի մասին:
«Միլիոններ են հատկացվում Քաղաքապետարանի կողմից, պետբյուջեից՝ անտուն կենդանիների խնդիրը լուծելու համար: Գումարները մխսվում են, հարցը մնում է չլուծված: Այս ասպարեզում տիրում է բացարձակ մենաշնորհ: Ամեն տարի այդ տենդերը շահում է «Յունիգրաֆ-Իքս» կազմակերպությունը, որն իրականում զբաղվում է անտուն կենդանիների սպանդով մասսայական ստերջացման փոխարեն: Եվ կենդանիների արյամբ հարստանում են դրա տերերը՝ հանրապետական Սադոյան եղբայրները»,- հայտարարեց «Դինգո թիմի» անդամ Գոհար Մանուշակյանը:
Վերջինիս խոսքով, քաղաքապետարանը՝ Տարոն Մարգարյանի գլխավորությամբ, միշտ պաշտպանել է այս արյունարբու կազմակերպության շահերը: «Մեր բողոքները, ահազանգերը, ապացույցներն ու երկխոսության բոլոր կոչերը միշտ եղել են ապարդյուն: Հիշեցնենք նաև, որ բազմաթիվ ապացույցներ և վկայություններ կան, որ Քաղաքապետարանի հրահանգով օրվա տարբեր ժամերի իրականացվում է շների սպանդ զենքի գործածմամբ: Այն դեպքում, երբ բնակելի վայրում զենքի գործածումն արգելված է և քրեորեն պատժելի արարք է: Այս կենդանասպան կառույցին՝ Քաղաքապետարանին, աջակցում է նաև Ոստիկանությունը՝ ոչինչ չձեռնարկելով և կոծկելով»,- հավելեց նա:
Նշենք, որ Հայաստանում թափառող կենդանիների խնդրի մասին բազմաթիվ անգամներ բարձրաձայնել են թե կենդանասերները, թե կենդանապաշտպան կազմակերպությունները, թե ԶԼՄ-ները: «Յունիգրաֆ-Իքս» կազմակերպության «կասկածելի» գործունեությունը ևս բազմաթիվ անգամներ քննարկման առարկա է դարձել: Հրապարակվել են նաև բազմաթիվ լուսանկարներ, տեսանյութեր, որոնք մնացել են անպատասխան:
«Պահանջում ենք, որ հեռանալիս Տարոն Մարգարյնն իր հետ տանի «Յունիգրաֆ-Իքս» կազմակերպությունը: Մենք մերժում ենք այն Քաղաքապետին, ով տարիներ շարունակ աջակցել է կենդանիների սպանդին, նպաստել է պետբյուջեից փողերի լվացմանը: Պահանջում ենք, որ այս չարիքը վերջապես արմատախիլ լինի և տեղ տա նոր, ավելի արդյունավետ և ավելի բարոյական հարցի լուծմանը»,- եզրափակեց Գոհար Մանուշակյանը:
Նյութը պատրաստվեց EcoNews.am բնապահպանական տեղեկատվական կայքի կողմից:
Այս թեմայով
![](/timthumb.php?src=https://econews.am/disk/17-10-23/c5edfa7f66ee4c1b568d55f48be94eb9.jpg&w=300&h=200)
![](/timthumb.php?src=http://econews.am/disk/14-11-22/53668a4135094479e1b121499ec66b4c.jpg&w=300&h=200)
![](/timthumb.php?src=http://econews.am/disk/07-11-22/bad84e7ba842c1a8651a51e527e27c34.jpg&w=300&h=200)
![](/timthumb.php?src=http://econews.am/disk/19-10-22/42b7737ae395b2f30fda70a4912287ba.jpg&w=300&h=200)
![](/timthumb.php?src=http://econews.am/disk/12-10-22/31036ab8a947a76de9cb83942cd48553.jpg&w=300&h=200)