Հայ երեխաները մասնակցել են Տոկիոյի ամենամյա բնասիրական նկարչական մրցույթին (ֆոտո)
![](https://econews.am/disk/05-03-18/227fbe3c66e28d7db07779119c9b832e.jpg)
![](https://econews.am/disk/05-03-18/38265ad8a46858eb6c2c29f9974deb42.jpg)
![](https://econews.am/disk/05-03-18/f1404af8ad1b878303ba95acd6f278a0.jpg)
![](https://econews.am/disk/07-03-18/8fbf81d2e8126b3ef25c0a209d207dcb.jpg)
![](https://econews.am/disk/07-03-18/eedaef952729088f63ba9842110d3348.jpg)
![](https://econews.am/disk/07-03-18/aaf06f156bbe64bcd10ae257a6bb20a0.jpg)
![](https://econews.am/disk/07-03-18/eb9e183c325319514d1b82cdf98411e8.jpg)
![](https://econews.am/disk/07-03-18/b886a36eb97b25504b9f8f4a1920370a.jpg)
![](https://econews.am/disk/07-03-18/35daf27b5f074d2c403805f914bfe61b.jpg)
![](https://econews.am/disk/07-03-18/f760868d566ed326d993d300aa586696.jpg)
![](https://econews.am/disk/07-03-18/3e1248228d8a6915d87a8066824fb3d5.jpg)
![](https://econews.am/disk/07-03-18/bcc375f39ccd12e3c4cf47e666dc96f9.jpg)
![](https://econews.am/disk/07-03-18/d056b14e5108d571715767b1d768bbe9.jpg)
![](https://econews.am/disk/07-03-18/77b5c5450059fe025221c3bc1a551572.jpg)
![](https://econews.am/disk/07-03-18/6003f4f1291d0dac7c94628db1106c71.jpg)
![](https://econews.am/disk/07-03-18/6b2296713a6bcccc07d42a5894c9fa36.jpg)
![](https://econews.am/disk/07-03-18/2eed1c238370c9797cced7a7efbef39c.jpg)
![](https://econews.am/disk/07-03-18/19ecf91cd11d7c883e00e240fcc16894.jpg)
Հայ փոքրիկներն այս տարի ևս մասնակցել են Տոկիոյի ամենամյա բնասիրական նկարչական մրցույթին՝ ներկայացնելով բնությունն իրենց աչքերով: Այս մասին տեղեկանում ենք Պատանեկության ստեղծագործական կենտրոնի տնօրեն Նարե Արամյանից: Կենտրոնի 20-ից ավելի աշակերտներ՝ ոգեշնչվելով իրենց հետ անցկացվող բնասիրական դասընթացներից, իրենց աշխատանքներն են ներկայացրել նշված միջազգային մրցույթին: Երեխաների բնասիրական մղման և մրցույթին մասնակցության մասին EcoNews.am բնապահպանական տեղեկատվական կայքը զրուցեց Պատանեկության ստեղծագործական կենտրոնի նկարչության խմբի ղեկավար Վահրամ Կաթրջյանի հետ:
«Շրջակա միջավայրի պաշտպանությունն այսօր կարևորագույն խնդիր է և երեխաները այդ ուղղությամբ պետք է մանկուց ստանան բավական գիտելիքներ, որպեսզի հետագայում խուսափեն խնդիրներից, որոնք կախված են ամբողջ մարդկության վերևում: Դա գիտակցում են ամբողջ աշխարհում և ամեն տարի Ճապոնիայում, մասնավորապես՝ Տոկիոյում, կազմակերպվում է նման ցուցահանդես շրջակա միջավայրի պաշտպանության վերաբերյալ: Երեխաները նկարում են թե՛ Երկրի, թե՛ երկնքի, թե՛ ջրի պատկերներ: Նրանք նկարում են իրենց ցանկությունները, շրջապատում տեսած և՛ լավ, և՛ վատ երևույթները: Ցուցահանդեսի ընթացքում առաջադրվում են մի քանի անվանակարգեր՝ լավագույն մրցանակ, հատուկ մրցանակ, խրախուսական մրցանակ և այլն: Նախորդ տարի մեր սաներից մեկը՝ Գայանե Գաբրիելյանը, արժանացավ խրախուսական մրցանակի, ինչն էլ նրան ոգևորեց այս տարի ևս մասնակցություն ունենալ»,- պատմեց ուսուցիչը:
Մրցույթին մասնակից աշխատանքները հրապարակվում են ամսագրում, որի վերջին էջում նշված են լինում մասնակից երկրների անունները: Ինչպես նշեց Վահրամ Կաթրջյանը, հետաքրքրական է, որ նախորդ տարի Հայաստանը տեղ էր զբաղեցնում ասիական երկրների շարքում, իսկ արդեն այս տարի՝ եվրոպական:
«Այս տարվա մասնակիցները մեր կենտրոնից 22-ն են, ուղարկել ենք 24 նկար: Բոլոր մասնակիցները նվերներ են ստացել Տոկիոյում տեղի ունեցած ցուցահանդեսի կազմակերպիչների, ինչպես նաև Պատանեկության ստեղծագործական կենտրոնի կողմից: Տոկիոյից ուղարկված նվերները փետրվարի 26-ին, մենք միջոցառման շրջանակներում հանձնեցինք երեխաներին»,- ասաց նա:
Նկարչության խմբակում կա շուրջ 40 ուսանող երեխա: Մեր հարցադրմանը, թե երեխաների մոտ նկատվում է արդյո՞ք սեր դեպի բնությունը, Վահրամ Կաթրջյանը մեզ պատասխանեց. «Ես իրենց մոտ նկատում եմ հետաքրքրվածություն դեպի բնության, շրջակա միջավայրի պահպանություն: Այդ ուղղությամբ մեզ մոտ նույնպես դասախոսություններ են անցկացվում: Երեխաները մեծ ուշադրությամբ և սիրով լսում են, իրենց կարծիքն են արտահայտում, երևակայությունն են գործադրում: Պետք է նշեմ նաև, որ հասարակության մեջ դեռ բաց կողմեր կան այս առումով: Այս տարիքից երեխաները պետք է զգան և հասկանան գոնե միջավայրը մաքուր պահելու կարևորությունը: Երեխաների մեծ մասին են հետաքրքրում այս խնդիրները: Ծնողներն էլ պետք է օրինակ ծառայեն իրենց երեխաների համար: Շատ անգամ մենք հանդիպում ենք հակասության, բայց նաև մանկավարժների միջամտությունն է կարևոր, որ խոսվի այդ մասին և երեխան կարողանա տարբերել գեղեցիկ և տգեղ երևութները»:
Նշենք, որ Կենտրոնի պատանի նկարիչների ուշագրավ և թեմատիկ աշխատանքներն արժանացել են հավանության, իսկ հեղինակները պարգևատրվել են նվերներով, ինչի առիթով հադիսավոր պայմաններում նրանց շնորհավորել և հանձնել են պարգևները:
Այս թեմայով
![](/timthumb.php?src=https://econews.am/disk/12-09-23/b7c4e686dc359003d758ee55a27af324.jpg&w=300&h=200)
![](/timthumb.php?src=http://econews.am/disk/12-10-22/31036ab8a947a76de9cb83942cd48553.jpg&w=300&h=200)
![](/timthumb.php?src=http://econews.am/disk/02-12-21/417e9caa5cab920f433ab75d3e48d954.jpg&w=300&h=200)
![](/timthumb.php?src=http://econews.am/disk/27-05-21/38c51f49e308aeed3d7c478e4139cd03.jpg&w=300&h=200)
![](/timthumb.php?src=http://econews.am/disk/14-09-20/95f4687102820afe61775c7544755095.jpg&w=300&h=200)