«Իրական սարսափ ֆիլմ». Տեղի ունեցավ «Ամուլսար. պետության բնանտարբերությունը» ֆիլմի պրեմիերան (ֆոտո)
![](https://econews.am/disk/16-09-17/d52e597f5f17e23d34b3f9e7a92d513c.jpg)
![](https://econews.am/disk/16-09-17/82ce760458edd0eb98e7a8bfeb03ffbc.jpg)
![](https://econews.am/disk/16-09-17/379185704ec5caddca729868bd38607a.jpg)
![](https://econews.am/disk/16-09-17/7cbd82154afc6485632bfa7f588634cf.jpg)
![](https://econews.am/disk/16-09-17/835f0e13db5a49e770205b171473314b.jpg)
![](https://econews.am/disk/16-09-17/e57ce3e0c0caecc47f2acddf21b6cfe2.jpg)
![](https://econews.am/disk/16-09-17/90b13a50f4cb5ec16e922d302e1377d4.jpg)
![](https://econews.am/disk/16-09-17/1d170fee091a922eaef461fba0a98342.jpg)
![](https://econews.am/disk/16-09-17/9f8ad90e903ddd646af02712e3af54e0.jpg)
![](https://econews.am/disk/16-09-17/12147298fecdc37257efea47c9832e50.jpg)
![](https://econews.am/disk/16-09-17/30ec5b8cc5959f0a21a8fce9098c5a19.jpg)
![](https://econews.am/disk/16-09-17/48006b36a77229338254a5f7504057c4.jpg)
![](https://econews.am/disk/16-09-17/d3c965f815c8376616a0be10a1114846.jpg)
![](https://econews.am/disk/16-09-17/d0a47125a313f8425780d9c449c33990.jpg)
![](https://econews.am/disk/16-09-17/7455de747e4f34dfbe108987be21465d.jpg)
![](https://econews.am/disk/16-09-17/7282443b36cd99296a5103e39e61eff6.jpg)
![](https://econews.am/disk/16-09-17/caddc5683b184086fa1deceea75dc106.jpg)
![](https://econews.am/disk/16-09-17/05370629b1900a56c43d1c2ea00cc51b.jpg)
![](https://econews.am/disk/16-09-17/55c636415bbd8f60ad6d6c2c7f07d90a.jpg)
![](https://econews.am/disk/16-09-17/c3f43c1911c0a7a4faa8feb06b5e6e87.jpg)
Երեկ՝ սեպտեմբերի 15-ին, տեղի ունեցավ Paradiplomacy TV-ի կողմից պատրատված «Ամուլսար. պետության բնանտարբերությունը» հեղինակային ֆիլմի առաջին ցուցադրությունը: Ֆիլմի հեղինակ ու ռեժիսոր լրագրող Արման Սուլեյմանյանը երկար չխոսեց ֆիլմի ստեղծման և դրա նշանակության մասին, միայն նշեց անչափ կարևոր մի հանգամանք՝ «այս տարի քիմիայի ֆակուլտետ է ընդունվել ընդամենը 3 ուսանող»: Շատերի համար գուցե ոչ այնքան կարևոր հանգամանք, որի հետևանքները սակայն նկատելի կլինեն տարիներ անց:
«Սա կոմերցիոն ֆիլմ չէ և մտածել, թե ինչպես այն կվաճառվի, անիմաստ է: Շատ-շատ մարդիկ են օգնել ֆիլմի ստեղծման գործում: Անգամ չեմ էլ ուզում նշել, թե ովքեր են, որովհետև շատ համեստ մարդիկ են: Ուզում եմ քաջալերել լրագրողներին ընդհանրապես ստեղծել բնապահպանական ֆիլմեր, որովհետև դրանք երկարաժամկետ են: Բնապահպանական որ թեման վերցնես 100-200 տարի գոյություն ունի և հենց դրանով է այս ամենը կարևոր»,- ասաց նա:
«Իրական սարսափ ֆիլմ». այսպես անվանեց Արման Սուլեյմանյանը ֆիլմը, որն արդեն պատրաստ էր ցուցադրության: Ֆիլմում մանրամասն ներկայացվում է «Ամուլսարի պատմությունը»՝ ինչպես «Lydian International» հայտնվեց Հայաստանում, ինչ եղանակով կարողացավ հասնել իր նպատակին և ինչպիսին են լինելու հետևանքները: «Իրական սարսափ ֆիլմ» բնորոշումը միանշանակ է, մասնավորապես այն տեսանկյունից, որ ստեղծված իրավիճակից ելք և լուծում գտնելն այնքան էլ հեշտ չէ: Սարսափ ֆիլմ է հիշեցնում նաև այն հանգամանքը, որ Ամուլսարի շրջակայքում գտնվող բնակավայրերի բնակիչները «Lydian International»-ին դիտարկում են որպես «փրկիչ» և համաձայնություն են տվել ծրագրի իրականացմանը՝ «վաճառելով» սեփական կյանքը: Ֆիլմի մանրամասներին շուտով կարող եք ծանոթանալ ինքներդ, երբ այն հասանելի կլինի համացանցում: Կինոդահլիճի անկյունում դրված ոսկեգույն գունդը խորհրդանշում էր «Ամուլսարի» ոսկին և պատրաստված էր հանքի շահագործման արդյունքում ստացվելիք ոսկու չափերով:
Ֆիլմի գաղափարն ազդեցիկ էր: Այդ իսկ պատճառով դիտումից հետո ներկաների միջև սկսվեց բուռն քննարկում: Նշենք, որ ֆիլմի ցուցադրմանը մասնակցում էին բնապահպաններ Կարինե Դանիելյանը, Սիլվա Ադամյանը, Լևոն Գալստյանը, պատգամավորներ Մանե Թանդիլյանը, Լենա Նազարյանը, Երևանի ավագանու անդամ Անահիտ Բախշյանը, ամերիկաբնակ քիմիական/էկոլոգիական ինժեներ Հարութ Բրոնոզյանը, դերասան Հայկ Մարությանը, սննդագիտության դոկտոր Դավիթ Պիպոյանը և այլոք: Ինչպես նշեց Արման Սուլեյմանյանը, ինքն անձամբ ֆիլմը դիտելու հրավիրել է թե՛ «Lydian International»-ի, թե՛ Բնապահպանության և մյուս նախարարությունների ներկայացուցիչներին, սակայն նրանց «պաշտոնը թույլ չի տվել ներկա գտնվելու»: Առաջին շարքերում նստած նկատվում էր միայն Բնապահպանության նախարարի խորհրդական Արծրուն Պեպանյանը, ում խոժոռ դեմքից ոչինչ կարդալ չէր հաջողվում:
Ֆիլմը շուտով կհայտնվի համացանցում հայերեն և օտար լեզուներով թարգմանված: Տարածելը խրախուսվում է:
Նյութը պատրաստվեց EcoNews.am բնապահպանական տեղեկատվական կայքի կողմից:
Այս թեմայով
![](/timthumb.php?src=http://econews.am/disk/12-10-22/31036ab8a947a76de9cb83942cd48553.jpg&w=300&h=200)
![](/timthumb.php?src=http://econews.am/disk/02-09-22/1795dfc7172a5053b9504176d64a50f6.jpg&w=300&h=200)
![](/timthumb.php?src=http://econews.am/disk/02-09-22/7fdef48e91dad8a820115591b12c3b84.jpg&w=300&h=200)
![](/timthumb.php?src=http://econews.am/disk/24-08-22/3639bc5f877a3013b950bd8ef05ca4bc.jpg&w=300&h=200)
![](/timthumb.php?src=http://econews.am/disk/22-08-22/9cd4da82ac123ea324c3d6021a050b09.jpg&w=300&h=200)