Amazon-ի հիմնադիրը կոչ է արել պատրաստվել արդյունաբերության տեղափոխմանը տիեզերք
![](https://econews.am/disk/01-06-16/7117d41d5d1d272bbe88eb2197fe7072.jpg)
Amazon ինտերնետ-ընկերության հիմնադիր Ջեֆ Բեզոսը դիմել է ձեռնարկատերերին՝ առաջարկելով սկսել պատրաստվել ծանր արդյունաբերությունը տիեզերք տեղափոխելուն: Ըստ նրա՝ «տեղափոխությունը» կարող է լինել մի քանի հարյուր տարի անց: Այս մասին գրում է Recode առցանց պարբերականը:
Ձեռնարկատերը կարծում է, որ հիմնական առաջադրանքը, որը պետք է այդպիսով կատարել, Երկրի էներգառեսուրսների տնտեսումն է: Իսկ տիեզերքում, ըստ Բեզոսի, մշտապես հասանելի է արևի էներգիան, որը կարելի է օգտագործել արդյունաբերական նպատակներով: Բնակելի տարածքները և թեթև արդյունաբերությունը, ըստ նրա գաղափարի, պետք է Երկրի վրա մնան: Բեզոսը նշել է, որ գործարանները կտեղակայվեն հենց տիեզերական տիրույթում, ոչ թե այլ մոլորակների վրա, որոնք մարդիկ ժամանակի ընթացքում կգաղութացնեն:
Հունվարի 22-ին Բեզոսին պատկանող Blue Origin ընկերությունն առաջին անգամ հաջողությամբ արձակել և Երկիր է վերադարձրել նախկինում օգտագործված բազմանգամյա New Shepard հրթիռը և համանուն պատիճը՝ նախատեսված ենթաուղեծրային թռիչքների համար:
Այս թեմայով
![](/timthumb.php?src=http://econews.am/disk/26-11-18/0e27857b40e6a299b589873198f16cbc.jpg&w=300&h=200)
![](/timthumb.php?src=http://econews.am/disk/06-11-18/1e90fe0583e83a17322762eac2e6e816.jpg&w=300&h=200)
![](/timthumb.php?src=http://econews.am/disk/05-11-18/ebe3a84f64377ca7ad47c77950e08f64.jpg&w=300&h=200)
![](/timthumb.php?src=http://econews.am/disk/03-11-18/30b824869d1f7219fd970b4c3ec7273c.jpg&w=300&h=200)
![](/timthumb.php?src=http://econews.am/disk/26-10-18/aed86eeb8e3deabe126d2ee90b1d6c5d.jpg&w=300&h=200)