Ազատի կիրճում ծառեր են հատվել, որ վարչապետի տարածքները էժան ոռոգվեն. բնապահպան
![](https://econews.am/disk/13-04-16/d5c470adfd20bb6aea3aac9ff45c764d.jpg)
Կոտայքի մարզի Գառնի գյուղի բնակիչները փակել են Գառնի-Գեղարդ ճանապարհը՝ ՀՀ Կառավարությունից պահանջելով դադարեցնել Ազատի կիրճում իրականացվող շինարարական աշխատանքները և ծառահատումները։
Համահայկական բնապահպանական ճակատի համակարգող խորհրդի անդամ Լեւոն Գալստյանի խոսքով՝ բնակիչները դեմ են «Քաղցրաշենի ինքնահոս ոռոգման համակարգ» ծրագրին, որով նախատեսվում է ամռան երկու ամիսներին Ազատ գետի ջուրը խողովակներով Արտաշատի վարչատարածքի Նարեկ եւ Քաղցրաշեն գյուղեր տանել՝ ապահովելով էժան ոռոգման գին:
«Այդ գետում այդքան ջուր չկա, որ ամառվա ամիսներին այս ծրագիրն աշխատի, գետը ջրազրկվելու է: Բացի այդ, մեզ մտահոգում է այն, որ այստեղ չի գործում արդարության սկզբունքը: Ինչո՞ւ է Համաշխարհային բանկը 10 մլն դոլար ծախսել, որ վարչապետին եւ նրա հարազատներին պատկանող հողատարածքները էժանով ոռոգվեն: Այստեղ նաեւ սոցիալական հավասարությունը չի պահպանվում»,-ասաց բնապահպանը:
Բնակիչներն էլ մտահոգված են, որ ծրագրի իրականացման դեպքում բնությունը եւ իրենց տնտեսությունները կչորանան:
Ապրիլի 10-ին ճակատի երկու անդամներ եղել են գյուղում, եւ նույնիսկ տեսագրել են Ազատի կիրճում իրականացվող շինաշխատանքների պրոցեսը:
«Կիրակի օրվա դրությամբ շինաշխատանքներ են տարվել, դա հաստատ է: Մեր ճակատի երկու անդամներ այնտեղ են եղել, տեսագրել են, գյուղացիներն էլ տեսագրություն ունեն»,-ասաց նա:
Նշենք, որ Ազատի կիրճում շինաշխատանքներ են իրականցնում «Ֆոր Դիրեքշըն» ՍՊԸ-ն, որին, ըստ որոշ տեղեկությունների, տարածքում աշխանքներ իրականացնել արտոնել է գյուղապետ Աշոտ Վարդանյանի կողմից:
Այս թեմայով
![](/timthumb.php?src=http://econews.am/disk/25-07-22/ab769a815945486c4fed49b662a2cbf7.jpg&w=300&h=200)
![](/timthumb.php?src=http://econews.am/disk/14-04-22/93f415cd1e514dd08934303307df1a35.jpg&w=300&h=200)
![](/timthumb.php?src=http://econews.am/disk/17-04-21/06e25d79c3b62343ba8b8a8bc4e86135.jpg&w=300&h=200)
![](/timthumb.php?src=http://econews.am/disk/07-04-21/5fb968aad91d36be7cb7180e0d37872c.jpg&w=300&h=200)
![](/timthumb.php?src=http://econews.am/disk/30-01-21/54d54499bd4be3edc3855ded86746f57.jpg&w=300&h=200)