Քուռի քարթակ. Հայաստանի Կարմիր գիրք
Քուռի քարթակը ծածանազգիների ընտանիքին պատկանող ձուկ է։
Կարգավիճակը: Անհետացող տեսակ է: Բնության պահպանության միջազգային միության Կարմիր ցուցակի չափորոշիչներով գնահատվում է որպես «Տվյալների անբավարարություն» կատեգորիա` DD:
Տարածվածությունը: Քուռ և Արաքս գետերի ավազաններում, Ուրմիա լճի վտակում` Հադերչայում:
Տարածվածությունը Հայաստանում: Տարածված է եղել Հայաստանի բոլոր գետերում, բացի Սևանա լճի ավազանից:
Ապրելավայրերը: Գետերի ավազային կամ ավազատիղմային տեղամասերը ջրի դանդաղ հոսքով:
Կենսաբանության առանձնահատկությունները: Հայաստանի տարածքում գործնականորեն ուսումնասիրված չէ: Բենթոսային օրգանիզմներով սնվող մերձհատակային տեսակ է:
Թվաքանակը և դրա փոփոխման միտումները: Վերջին տասնամյակներում թվաքանակը կտրուկ նվազել է: Ներկայումս ձկնաբանական հավաքներում չի հանդիպում:
Վտանգման հիմնական գործոնները: Ինվազիոն ձկնատեսակների մրցակցային ազդեցությունը, որսագողությունը:
Պահպանության միջոցառումները: Չի պահպանվում: Արհեստական վերարտադրություն չի կատարվել:
Այս թեմայով
«Կանաչ գիրք»․ կստեղծվեն կրթական մատչելի թվային նյութեր դպրոցականների համար
Հատիսի վրա անհրաժեշտ է նաև հատուկ սեյսմիկ վտանգի գնահատում․ Երկրաբանական գիտությունների ինստիտուտ
Հատիս լեռը կարմիրգրքյան մի քանի սողունների բնատեղամասերից մեկն է․ ահազանգում է մասնագետը
Ահազանգ․ կարմիրգրքյան տրիտոնների վաճառք՝ Երևանի շուկաներից մեկում (ֆոտո)
Ահազանգ․ Վայրի բնությունից գողացված ձագերը՝ վաճառքի առարկա (ֆոտո)
