«Կանաչ տնտեսություններ Արևելյան հարևանությունում» ծրագրի շրջանակներում տեղի է ունեցել ազգային կլոր սեղան (ֆոտո)
![](https://econews.am/disk/08-07-15/9c8afe43c0bc1c5b6694a99ccd0e96d7.jpg)
![](https://econews.am/disk/08-07-15/33289228da9ce8b671f67fce145be4e8.jpg)
![](https://econews.am/disk/08-07-15/f0bfa2a7d4ab5497c055c55e41f9f507.jpg)
![](https://econews.am/disk/08-07-15/672dcb59e32f0196194982327aa50d61.jpg)
ՄԱԿ-ի ԵՏՀ Էսպո կոնվենցիայի ռազմավարական Էկոլոգիական Գնահատման/ՌԷԳ/ արձանագրության իրականացման նպատակով «Կանաչ տնտեսություններ Արևելյան հարևանությունում» ծրագրի շրջանակներում սույն թվականի սեպտեմբերի 26-ին տեղի է ունեցել ազգային կլոր սեղան:
Ազգային կլոր սեղանը կազմակերպվել է Էսպո կոնվենցիայի քարտուղարության, ՀՀ բնապահպանության նախարարության և «ԷկոԳլոբ» հասարակական կազմակերպության աջակցությամբ:
ՀՀ Բնապահպանության նախարարի առաջին տեղակալ պարոն Սիմոն Պապյանը, ողջունելով բոլոր մասնակիցներին, իր խոսքում կարևորել է այսօրինակ հանդիպումներն ու քննարկումները, որոնք թույլ են տալիս խորը և բազմակողմանի ուսումնասիրել արձանագրությունն ու ազգային օրենսդրությունը, ինչն անշուշտ նպաստում է առավել արդյունավետ կերպով տեղայնացնել միջազգային փորձը և ազգային օրենսդրությունը լավագույնս համապատասխանեցնել միջազգային համաձայնագրերին:
Ողջույնի խոսքով հանդես են եկել նաև Հայաստանում Եվրամիության պատվիրակության գրասենյակի ներկայացուցիչ Հոա-Բին Աճենյանը և ՄԱԿ-ի ԵՏՀ Էսպո կոնվենցիայի քարտուղարության ներկայացուցիչ Աֆրոդիտե Սմագադին:
ՌԷԳ արձանագրության ՀՀ ազգային համակարգող ՀՀ բնապահպանության նախարարի խորհրդական Էլյանորա Գրիգորյանը, կարևորելով ՌԷԳ արձանագրությունը` նշել է, որ Հայաստանի Հանրապետությունը ՄԱԿ-ի ԵՏՀ Էսպո կոնվենցիայի ռազմավարական Էկոլոգիական գնահատման մասին արձանագրությունը վավերացրել է 2011 թվականին: Ի պատասխան Հայաստանի հայցին, Կոնվենցիայի քարտուղարությունն իրականացնում է մի շարք միջոցառումեր կապված տեխնիկական աջակցության և կարողությունների հզորացման հետ, իրավական և ինստիտուցիոնալ կառույցներն ու կադրերն ամրապնդելու նպատակով` Էսպո կոնվենցիայի դրույթների, և հատկապես ՌԷԳ արձանագրության իրականացման համար:
ՌԷԳ արձանագրության դրույթների իրականացմանն ուղղված միջոցառումները մեկնարկել են 2013թ. նոյեմբերի 26-ից 29-ը Երևանում տեղի ունեցած ուսումնական սեմինարով, միջոցառումերն իրականացվում են Եվրամիության ֆինանսավորմամբ Կանաչ էկոնոմիկայի շրջանակներում:
Հանդիպման ավարտին տարբեր գերատեսչությունների և հասարակական սեկտորի ներկայացուցիչները կլոր սեղանն արդյունավետ են գնահատել և նշել, որ բազմաթիվ արժեքավոր կարծիքներ են հնչել, որոնք հաշվի կառնվեն գործողությունների հետագա ընթացքում:
Այս թեմայով
![](/timthumb.php?src=http://econews.am/disk/30-11-21/b54e1464e8ab8525eb3e890a7cef01ec.jpg&w=300&h=200)
![](/timthumb.php?src=http://econews.am/disk/14-04-21/1c56faaf25c4fef88c03b5f4d5624422.jpg&w=300&h=200)
![](/timthumb.php?src=http://econews.am/disk/21-01-21/81826ad3fa037531503bb378e262ea62.jpg&w=300&h=200)
![](/timthumb.php?src=http://econews.am/disk/28-12-20/48b098158e8e6e7b251a620a8a4dbc64.jpg&w=300&h=200)
![](/timthumb.php?src=http://econews.am/disk/25-12-20/12b384aaba3968424c14c324d946ee5e.jpg&w=300&h=200)