Սևանա լճի ափին 10.000 ծառ կտնկվի
![](https://econews.am/disk/14-04-21/625fa8ad03a0f20127b02f89fab80015.jpg)
![](https://econews.am/disk/14-04-21/7a64f15f5bcf8fb27ca6afcc1ce8c4b7.jpg)
![](https://econews.am/disk/14-04-21/c221242563afc11d2a2d042e491cd92d.jpg)
![](https://econews.am/disk/14-04-21/ea3c96049563441476496ffac4531c94.jpg)
![](https://econews.am/disk/14-04-21/0c894e86b62e552743e51c1251741c02.jpg)
Ապրիլի 17-ին Գեղարքունիքի մարզում՝ «Սևան» ազգային պարկի տարածքում, «10 մլն ծառ» նախաձեռնության շրջանակում կտնկվի ևս 10.000 տնկի։ Նախքան ծառատունկը «Սևան» ազգային պարկը նախաձեռնել է հանրային №1 լողափում (Սևան-Երևան միջպետական Մ4 ավտոմայրուղու 63 կմ-ից դեպի ափամերձ հատված, 1.39 հա) իրականացնել մաքրման աշխատանքներ։
Մաքրման աշխատանքները պատշաճ կազմակերպելու նպատակով՝ «Սևան» ազգային պարկի կողմից մասնակիցներին կտրամադրվեն աղբահավաք պարկեր և ձեռնոցներ։
Աշխատանքները կմեկնարկեն 09։00-ին։ Շրջակա միջավայրի նախարարությունը համայնքի բոլոր բնակիչներին, կրթական հաստատություններին, հասարակական կազմակերպությունների և բնապահպանական նախաձեռնությունների ներկայացուցիչներին կոչ է անում ակտիվ մասնակցություն ունենալ Սևանա լճի առափնյա հատվածի մաքրման աշխատանքներին։
Ժամը 13։00-ին «Սևան» ազգային պարկի Մարտունու մասնաճյուղի Մարտունու տեղամասում կիրականացվի ծառատունկ մասնաճյուղի տնկարանում աճեցված բարդի տեսակի տնկիներով: 5000 տնկին կտնկվի Մարտունու տեղամասում, մյուս 5000-ը՝ մարզի այլ համայնքներում։
Այս պահին ընթանում են ծառերի տնկման համար նախապատրաստական աշխատանքներ։ Հանրային №1 լողափի մաքրման և ծառատունկի աշխատանքներին կմասնակցեն նաև Շրջակա միջավայրի նախարար Ռոմանոս Պետրոսյանը, նախարարի տեղակալ Աննա Մազմանյանը, Շրջակա միջավայրի նախարարության Անտառային կոմիտեի նախագահը և «Հայանտառ» ՊՈԱԿ-ի տնօրենը:
Այս թեմայով
![](/timthumb.php?src=http://econews.am/disk/04-10-22/4a3536fc02a856929a0afb44821c5e8b.jpg&w=300&h=200)
![](/timthumb.php?src=http://econews.am/disk/30-09-22/9c9d0d5ed7dab59d27cd76d5323738b9.jpg&w=300&h=200)
![](/timthumb.php?src=http://econews.am/disk/27-09-22/dab2c98e135e8cf6c4b4578d5fd717cc.jpg&w=300&h=200)
![](/timthumb.php?src=http://econews.am/disk/20-09-22/55ba66c2d14e7b35f327b2cab5ea8ad6.jpg&w=300&h=200)
![](/timthumb.php?src=http://econews.am/disk/20-09-22/7462ef4c0df27827d253d11959945c93.jpg&w=300&h=200)