Հայաստանը վայրի տանձենիների գենետիկ բազմազանության համաշխարհային կենտրոններից մեկն է (ֆոտո)
![](https://econews.am/disk/31-08-21/17f83caedb6a779da1652482e7bba852.jpg)
![](https://econews.am/disk/31-08-21/20272d14bdd7ef42967dc39f2085738e.jpg)
![](https://econews.am/disk/31-08-21/f8034cb213263d737a2dbf76d07c85ce.jpg)
![](https://econews.am/disk/31-08-21/72ee0021dc01664c6a64154fc1e8e091.jpg)
Հայաստանը վայրի տանձենիների գենետիկ բազմազանության համաշխարհային կենտրոններից մեկն է: Տանձենու էնդեմիզմի և տեսակային բազմազանության բարձր մակարդակը հատկապես արտահայտված է Վայոց ձորում, որտեղ էլ գտնվում են ծրագրի իրականացման վայրերը: Հայաստանում վայրի տանձենիները առանձնահատուկ հետաքրքրության և պահպանման կարևորություն ունեն, քանի որ հայտնաբերված մեծ թվով տեսակներից` ընդհանուր 32-ից, 12-ը՝ Հայաստանի էնդեմիկ տեսակ են, 6-ը` հարավային Կովկասի։ Հանդիպող տանձենիների բոլոր հայտնի տեսակներից 18-ը նկարագրվել են հենց Հայաստանից։
2020թ. օգոստոսի 1-ից «Կենսաբանների հայկական միություն» ՀԿ-ն՝ «Ֆրանկլինիա» հիմնադրամի աջակցությամբ իրականացնում է «Տանձենու վտանգված տեսակների պահպանությունը և դրանց պոպուլյացիաների կենսունակության ապահովումը Հայաստանում» եռամյա բնապահպանական ծրագիրը: Ծրագրի նպատակն է ապահովել տանձենու գլոբալ վտանգված հինգ տեսակների պահպանությունը իրենց աճելավայրում և նպաստել դրանց պոպուլյացիաների կենսունակության բարձրացմանը Հայաստանում: Ծրագիրը իրականացվելու է Վայոց Ձորի մարզում՝ համախմբված Զառիթափ, Ջերմուկ և Եղեգիս համայնքներում:
Վայոց ձորի մարզ ճանաչողական այցի ընթացքում ՀՀ շրջակա միջավայրի նախարարի տեղակալ Աննա Մազմանյանը և ՀՀ շրջակա միջավայրի նախարարության Բնության հատուկ պահպանվող տարածքների և կենսաբազմազանության քաղաքականության վարչության պետ Ոսկեհատ Գրիգորյանը «Կենսաբանների հայկական միություն» ՀԿ ներկայացուցիչների ուղեկցությամբ այցելել են Արտավան ու Հերհեր բնակավայրեր և ծանոթացել ծրագրի շրջանակներում ստեղծված ենթակառուցվածնքներին՝ «Արտավան» բնապահպանական տնկարանին, տնամերձ տնկարաններին, տանձենու պահապանների կողմից իրականացվող վտանգված տանձենու տեսակների մշտադիտարկման ու պահպանության միջոցառումներին:
Այս թեմայով
![](/timthumb.php?src=https://econews.am/disk/17-10-23/c5edfa7f66ee4c1b568d55f48be94eb9.jpg&w=300&h=200)
![](/timthumb.php?src=https://econews.am/disk/03-08-23/5f85b80b82d022d0e95410d9fb7523da.jpg&w=300&h=200)
![](/timthumb.php?src=http://econews.am/disk/02-11-22/64766c894269cb73bda90c5538df520a.jpg&w=300&h=200)
![](/timthumb.php?src=http://econews.am/disk/18-10-22/71fc62c3f1efe20bfbd9d7ace47cfb83.jpg&w=300&h=200)
![](/timthumb.php?src=http://econews.am/disk/12-10-22/31036ab8a947a76de9cb83942cd48553.jpg&w=300&h=200)