Դիլիջանում շան վրա կրակողը հյուրանոցի սեփականատերն է․ մանրամասներ
![](https://econews.am/disk/23-09-20/9344e363425a5efc8a2ce2d54ac85779.jpg)
Սեպտեմբերի 14-ին ոստիկանություն զանգած քաղաքացին հայտնել էր, որ Դիլիջանի հյուրանոցներից մեկի մոտ կրակել են շան վրա։
Ոստիկանության Դիլիջանի բաժնի օպերատիվ խումբը Մյասնիկյան փողոցում հայտնաբերեց սատկած շուն՝ արնոտ վիճակում։
Իրավապահները ձեռնարկեցին օպերատիվ-հետախուզական և բացատրական աշխատանք՝ շան վրա կրակողին հայտնաբերելու ուղղությամբ։ Բացատրական աշխատանքն արդյունք տվեց. Դիլիջանի 30-ամյա բնակիչը ներկայացավ ոստիկանություն և խոստովանեց կատարածը։ Նա իրավապահներին ներկայացրեց որսորդական ողորկափող հրացանը, որով կրակել էր շան վրա։ Փաստի առթիվ նախապատրաստվում են նյութեր։
EcoNews.am բնապահպանական տեղեկատվական կայքի տեղեկությունների համաձայն՝ Դիլիջանի վերոնշյալ 30-ամյա բնակիչը «Սեն» հյուրանոցի սեփականատեր «Սենոն» է։ Հյուրանոցն ու դրա սեփականատերն ուշադրության կենտրոնում են հայտնվել դեռևս 2019թ․-ի օգոստոս ամսին, երբ հյուրանոցի տարածքում կասկածելի հանգամանքներում «հայտնվել» էր արջի քոթոթ։
Այս թեմայով
![](/timthumb.php?src=https://econews.am/disk/17-10-23/c5edfa7f66ee4c1b568d55f48be94eb9.jpg&w=300&h=200)
![](/timthumb.php?src=http://econews.am/disk/14-11-22/53668a4135094479e1b121499ec66b4c.jpg&w=300&h=200)
![](/timthumb.php?src=http://econews.am/disk/07-11-22/bad84e7ba842c1a8651a51e527e27c34.jpg&w=300&h=200)
![](/timthumb.php?src=http://econews.am/disk/19-10-22/42b7737ae395b2f30fda70a4912287ba.jpg&w=300&h=200)
![](/timthumb.php?src=http://econews.am/disk/18-10-22/71fc62c3f1efe20bfbd9d7ace47cfb83.jpg&w=300&h=200)