«Թե ինչու կրկեսում չպետք է լինեն խոշոր կատվազգիներ»․ Ստորագրահավաք
![](https://econews.am/disk/31-05-20/4b27cf4f08ae05b4d4fbc5734791d735.jpg)
![](https://econews.am/disk/31-05-20/fc028e182113933866d457527f879b20.jpg)
![](https://econews.am/disk/31-05-20/057776157114d14cf9a4813475b6177b.jpg)
![](https://econews.am/disk/31-05-20/5e7574a9ae94e829eb793206c89a3a2b.jpg)
ՀՀ-ում մեկնարկել է ստորագրահավաք կրկեսում կենդանիների շահագործման դեմ։ Նախաձեռնության հեղինակներից Արևիկ Մկրտչյանը պարբերաբար ներկայացնում է հետաքրքիր հոդվածներ, որոնք ամբողջությամբ հիմնավորում են, թե ինչու կրկեսներում չպետք է լինեն կենդանիներ։ Ներկայացնում ենք տեղեկատվությունն ամբողջությամբ․ «Կրկեսներում տարբեր կատվազգիներին (հիմնականում առյուծ, վագր) փոքր տարածքից ելնելով պահում են միասին, առանց հաշվի առնելու դիցուք առյուծի՝ փրայդում ապրելու պահանջն ու վագրի՝ միայնակ ապրելակերպը: Բնության մեջ նման սոց. խմբեր չեն կարող լինել, ավելին՝ մեկը մյուսից խուսափում է, հետևաբար սա բացասական ճնշող ազդեցություն է ունենում թե՛ առյուծների, թե՛ վագրերի վարքագծի, բարեկեցության, հետագա պահվածքի, և թե՛ կենդանիների հետագա բազմացման հնարավորության վրա: Սրանով հաճախ բացատրվում է կրկեսներում կենդանիների բազմացման անհնարինությունն ու մահացության բարձր մակարդակը:
Ակուստիկ ձայները, բարձր աղմուկը, բեմադրական լույսերն ու մարդկանց բազմությունը բացասական են անդրադառնում լռությունը գերադասող կատվազգիների վրա: Այսպես օրինակ՝ բեմադրությունից 1 ժամ առաջ վագրերի մոտ դիտվում է անհանգիստ ու կրկնվող քայլվածք՝ ստերեոտիպիկ վարքագիծ, որը սթրեսի, երբեմն էլ՝ կենտրոնական նյարդային համակարգի խաթարման հետևանք է:
Ուսումնասիրությունները ցույց են տալիս, որ տեղից տեղ տեղափոխվող վագրերի մոտ առաջիկա 3-6 օրերի ընթացքում նկատվում է սթրեսի հորմոնի՝ կորտիզոլի զգալի աճ: Ընդ որում սթրեսը ոչ միայն հանգեցնում է վարքագծային փոփոխությունների՝ անհանգստության, խորշման, տագնապի, այլև լուրջ ֆիզիոլոգիական խնդիրների՝ հաճախասրտության, շնչառության խանգարումների, գլյուկոկորտիկոիդների աճի և այլն:
Կրկեսները այն վայրերն են, որտեղ կատարում են չհիմնավորված գիտափորձեր, նպատակադրված ստանում են կենդանիների հիբրիդներ, դիցուք առյուծի ու վագրի՝ լայգր անհասկանալի տեսակը (հղումը՝ նկարում)
Կրկեսների առյուծների մոտ հաճախակի է հանդիպում բոտուլիզմը՝ սննդակարգում բոյլեր հավերի ճտերի առկայության պատճառով
Վառվող օղակների միջով թռնելը, երկու ոտքի վրա կանգնելը և մարդու առջև խոնարհվելը վագրերի ու առյուծների բնական վարքագիծը չէ:
Կենդանիները ծաղրածուներ չե՛ն»։
Ստորագրահավաքին միացեք հղումով՝ https://bit.ly/3ceWbA5
Այս թեմայով
![](/timthumb.php?src=https://econews.am/disk/17-10-23/c5edfa7f66ee4c1b568d55f48be94eb9.jpg&w=300&h=200)
![](/timthumb.php?src=http://econews.am/disk/14-11-22/53668a4135094479e1b121499ec66b4c.jpg&w=300&h=200)
![](/timthumb.php?src=http://econews.am/disk/07-11-22/bad84e7ba842c1a8651a51e527e27c34.jpg&w=300&h=200)
![](/timthumb.php?src=http://econews.am/disk/19-10-22/42b7737ae395b2f30fda70a4912287ba.jpg&w=300&h=200)
![](/timthumb.php?src=http://econews.am/disk/18-10-22/71fc62c3f1efe20bfbd9d7ace47cfb83.jpg&w=300&h=200)