Քենիան հայտարարել է որսագողության համար մահապատիժ սահմանելու հավանականության մասին
![](https://econews.am/disk/08-03-19/1a9d79888b8412a37d181dabd9983388.jpg)
Քենիայի զբոսաշրջության և վայրի բնության նախարար Նաջիբ Բալալան օրերս հայտարարել է, որ մարդկանց, որոնք որսագողության միջոցով խլում են անմեղ կենդանիների կյանքը, աֆրիկյան այս պետությունում շուտով մահապատիժ է սպասվում: Չնայած այս դրույթը դեռ օրինական ուժ չի ստացել, բայց Բալալան այս մասին հայտարարել է չինական «Xinhua» լրատվական գործակալության հետ զրույցում:
Հիշեցնենք, որ նախորդ տարվա գարնանը Քենիայի արգելոցի աշխատակիցները ստիպված են եղել քնեցնել հյուսիսային սպիտակ Սուդան մականունով աշխարհում միակը մնացած 45-ամյա ռնգեղջյուրին: Սուդանը՝ հասնելով պատկառելի տարիքի, արդեն չէր հաղթահարում առաջացած առողջական խնդիրները: Սպիտակ ռնգեղջյուրի տեսակն ունի երկու ենթատեսակ: Ընդ որում, եթե հարավային սպիտակ ռնգեղջյուրը հաշշվում է 21 000 առանձնյակ, ապա հյուսիսային ենթատեսակը 2009թ.-ին ուներ ընդամենը 4 ներկայացուցիչ:
Բալալան մասնավորապես ասել է. «Մենք ունենք վայրի բնության պահպանությանն ուղղված օրենք (Wildlife Conservation Act), որն ընդուվել է 2013թ.-ին և այն սահմանում է ցմահ բանտարկություն կամ 200 000 ԱՄՆ դոլար տուգանք ապօրինի գործողության համար, սակայն այս պատիժը բավարար չէր որսագողության դեմ պայքարելու գործում, այստեղից էլ առավել խիստ պատիժ սահմանելու անհրաժեշտություն է առաջացել»:
Ամեն դեպքում, վերջին տարիներին Քենիայում նկատվում է որսագողության դեպքերի կրճատման միտում: «The Independent»-ը հայտնում է, որ նախորդ տարի Քենիայում սպանվել է 34 000 պոպուլյացիա ունեցող 69 փիղ և 1000 պոպուլյացիա ունեցող 9 ռնգեղջյուր:
Այս թեմայով
![](/timthumb.php?src=http://econews.am/disk/25-10-22/541020de43cb253a5603231209f62797.jpg&w=300&h=200)
![](/timthumb.php?src=http://econews.am/disk/18-10-22/71fc62c3f1efe20bfbd9d7ace47cfb83.jpg&w=300&h=200)
![](/timthumb.php?src=http://econews.am/disk/12-10-22/5f6e5889be760a439890126be6e8d0cf.jpg&w=300&h=200)
![](/timthumb.php?src=http://econews.am/disk/12-10-22/31036ab8a947a76de9cb83942cd48553.jpg&w=300&h=200)
![](/timthumb.php?src=http://econews.am/disk/04-10-22/9dcffedb69b44cc3c501c3b8c8a41ff5.jpg&w=300&h=200)