Վիրջինիա նահանգում ջրհեղեղի հետևանքով մահացել է 23 մարդ

ԱՄՆ Արևմտյան Վիրջինիա նահանգում ջրհեղեղի հետևանքով մահացել է 23 մարդ։ Այս մասին հայտնում է Associated Press-ը։

Գործակալության տվյալներով՝ ավերվել է ավելի քան 100 տուն, հազարավոր մարդիկ մնացել են առանց էլեկտրականության։ Իշխանությունները մտավախություն ունեն, որ զոհերի թիվը կարող է աճել։ Որոնողա-փրկարարական գործողությունը շարունակվում է։

Արտակարգ իրավիճակների կառավարման ԱՄՆ դաշնային գործակալությունը թիմեր է ուղարկել տարերային աղետի հետևանքների դեմ պայքարի համար։

Տեղատարափ անձրևները նահանգին հարվածել են հինգշաբթի։ Վիրջինիա և Արևմտյան Վիրջինիա նահանգներում սահմանվել է արտակարգ դրության ռեժիմ։