Հնդկաստանում անցած գիշեր 45 մարդ է մահացել կայծակի հարվածից

Հնդկաստանի արևելյան Բիհար նահանգում անցած գիշեր կայծակի հարվածներից առնվազն 45 մարդ է մահացել։ Այս մասին հայտնում է Air News-ը։ Հաղորդվում է ավելի քան 10 վիրավորի մասին։

Պարբերականի տվյալներով՝ զոհերի թիվը կարող է աճել, քանի որ տեղատարափ անձրևների հետևանքով նահանգին հասցված վնասի և զոհերի մասին հաղորդագրությունները դանդաղ են հեռավոր շրջաններից հասնում տարածաշրջանային իշխանություններին։

Երկրի արևելքում գրանցվում են ամպրոպով ուղեկցվող առատ տեղումներ։ Առաջիկա մի քանի օրերին եղանակային վատ պայմանները կպահպանվեն։