Երեւանյան լճի տարածքը՝ աղբանոց

Երեւանյան լիճը 2016թ-ին մարտին ունեցել է 4-րդ դասի «անբավարար» որակի ջուր: Ըստ ՀՀ բնապահպանական նախարարության ‹‹Շրջակա միջավայրի վրա ներգործության մոնիտորինգի կենտրոն›› ՊՈԱԿ-ի՝ աղտոտվածությունը պայմանավորված է ջրում ամոնիումի, նիտրիտ իոնի, ընդհանուր անօրգանական ազոտի, նիտրատ իոնի, ֆոսֆատ իոնի մեծ քանակությամբ:

Բացի ջրի աղտոտվածությունից աղտոտված են նաեւ լճի ափերը: Հայաստանում ԱՄՆ-ի դեսպանատանը հարակից լճի ափամերձ տարածքի ամբողջ երկայնքով աղբ է եւ գարշահոտություն: Երևանյան լիճը մեծ նշանակություն ունի շրջապատի միկրոկլիմայի և քաղաքային հանգստի գոտու ձևավորման համար։ Այսօր լճի շրջակայքում ստեղծված հակասանիտարական վիճակը մարդկանց միայն վանում է: Մինչդեռ նախկինում այն եղել է երեւանցիների սիրված հանգստի գոտիներից: «Հաճախ էինք լողում Երեւանյան լճում , ձուկ էինք բռնում, մաքուր էր ամեն ինչ: Այն ժամանակ՝ Խորհրդային Միությունում ոչ ոք չէր կարող աղբ նետել , բացառվում էր»,- ասում են տարեց երեւանցիները:

Նյութի աղբյուրը՝ ecolur.org