Ինդոնեզիայում հրաբխի ժայթքման հետևանքով մահացել է 3, վիրավորվել 4 մարդ

Ինդոնեզիայում շաբաթ օրը հրաբխի ժայթքման հետևանքով մահացել է 3, վիրավորվել 4 մարդ՝ հայտնում է TASS-ը:

Խոսքը Սումատրա կղզու հյուսիսային մասում տեղակայված Սինաբունգ հրաբխի մասին է, որի բարձրությունը ծովի մակարդակից կազմում է 2460 մետր:

Գրեթե 400 տարվա մեջ առաջին ժայթքումը տեղի է ունեցել 2010 թվականին, ապա այն կրկնվել է 2013 և 2014 թվականներին: 2015 թվականի հունիսին ակտիվացած հրաբխի շրջանից տարհանվել է մոտ 6 հազար բնակիչ: