«Յունիգրաֆ Իքսը» երբեք գործ չի արել և մենք այսօր կանգնած ենք խնդրի առջև. բաց նամակ վարչապետին
«Դինգո թիմ»-ն այսօր բաց նամակ է հղել ՀՀ վարչապետ Նիկոլ Փաշինյանին և նոր Կառավարությանը՝ անդրադառնալով ՀՀ-ում թափառող կենդանիների տարիներ շարունակ չլուծվող խնդրին:
Ներկայացնենք նամակն ամբողջությամբ.
«Հարգելի Նիկոլ Փաշինյան,
Հեղափոխությունից հետո եղավ այն, ինչի մասին մենք երազել ենք տարիներ շարունակ և ինչի համար պայքարել: Յունիգրաֆ Իքսի նկատմամբ հարուցվեց քրեական գործ, նրանք այլևս չեն գործում ու կենդանիներ չեն սպանվում:
Սակայն հաշվի առնելով այն փաստը, որ Յունիգրաֆ Իքսը երբեք էլ իր գործը չի արել, շներին չի ստերջացրել, մենք այսօր կանգնած ենք խնդրի առջև:
Հիմա շների զույգման շրջան է, ինչը նշանակում է, որ աշնանը կսկսեն ծնվել մեծաքանակ ձագեր և շուտով կսկսեն ձևավորվել ոհմակներ:
Նման անցակնալի խնդրից խուսափելու համար պետք է հրատապ սկսել անտուն կենդանիների ստերջացման ծրագիր:
Խնդրում ենք ձեզ որպեսզի կառավարությունը միջնորդի՝ արտասահմանից ավելի փորձառու կազմակերպություն բերելու, ովքեր կզբաղվեն մասսայական ստերջացմամբ: Հակառակ դեպքում ընդամենը մի քանի ամիս անց մենք ունենալու ենք ոհմակների լուրջ խնդիր՝ Յունիգրաֆ Իքսի կողմից չստերջացված շների արդյունքում:
Այս հարցն իսկապես հրատապ է, քանի որ մի քանի ամիս անց խնդիրը լուծելը դառնալու է ավելի դժվար: Խնդրում ենք այս խնդիրը ներառել ձեր հրատապ հարցերի մեջ:
Պատրաստ ենք հանդիպել, օգնել մեր ուժերի սահմաններում՝ կամավորության հիմունքներով»:
Այս թեմայով
«Բնության մարտահրավերները սահմաններ չեն ճանաչում. դրանք ազդում են բոլորիս վրա՝ անկախ ազգությունից կամ դավանանքից»․ IUCN համաժողով՝ Հայաստանում
Այն մասին, թե ինչպես են անտառները մեզ փրկում...
«Ձին անմարդկային տանջանքների է ենթարկվում»․ EcoNews.am-ը դիմել է պատասխանատուներին
Կտրված ոտքով հովազ է նկարահանվել հարավային Հայաստանում (տեսանյութ)
«Վայրի առևտուր» ֆիլմը ցուցադրվել է Կենդանիների իրավունքների միջազգային հավաքի ընթացքում
