Վոլգոգրադի կրկեսում արջը հարձակվել է վարժեցնողի վրա (տեսանյութ)
Օրերս Վոլգոգրադի շրջանում շարժական կրկեսի հերթական ներկայացման ընթացքում ելույթ ունեցող արջը հարձակվել է վարժեցնողի վրա: Վկաները պնդում են, որ կենդանին ելույթից առաջ նյարդային էր և ակնհայտ դժգոհ էր ինչ-որ բանից:
Տեսանյութում երևում է, որ արջը զայրույթ է ցուցաբերում, այնուհետև հարձակվում փայտով զինված վարժեցնողի վրա: Կենդանին մարդուն հեշտությամբ գետնին է տապալում: Մի քանի վայրկյան անց հանդիսատեսի կեսից ավելին լքում է դահլիճը, իսկ կենդանին բաց է թողնում վարժեցնողին՝ թույլ տալով տանել նրան:
Ինչպես արջի, այնպես էլ վարժեցնողի վիճակի մասին դեռ ոչինչ չի հաղորդվում:
Այս դեպքի առնչությամբ Վայրի բնության և մշակութային արժեքների հիմնադրամի (FPWC) տնօրեն Ռուբեն Խաչատրյանը գրում է. «Շատ հուսով եմ, որ օրենքով կարգելվի վայրի կենդանիների որևիցե կերպ օգտագործումը հայաստանյան կրկեսներում: FPWC-ին հրավիրում է բոլոր շահագրգիռ կողմերին օրենքի նախագիծ մշակել այս հարցով»:
Նշենք, որ Հայաստանում այժմ գործում է «Գոշա» Շապիտո կրկեսը, որտեղ «ելույթ» է ունենում նաև արջի քոթոթ: ՀՀ-ում կենդանիների առք ու վաճառքի, սեփականության համապատասխանությունն օրենքով սահմանված պահանջներին, այդ թվում՝ կարմիրգրքյան կենդանիների մասով վերահսկողությունն իրականացնում է Բնապահպանության և ընդերքի տեսչական մարմինը, ուստի հրավիրում են նշված կառույցի ուշադրությունը:
Այս թեմայով
«Բնության մարտահրավերները սահմաններ չեն ճանաչում. դրանք ազդում են բոլորիս վրա՝ անկախ ազգությունից կամ դավանանքից»․ IUCN համաժողով՝ Հայաստանում
Այն մասին, թե ինչպես են անտառները մեզ փրկում...
«Ձին անմարդկային տանջանքների է ենթարկվում»․ EcoNews.am-ը դիմել է պատասխանատուներին
Կտրված ոտքով հովազ է նկարահանվել հարավային Հայաստանում (տեսանյութ)
«Վայրի առևտուր» ֆիլմը ցուցադրվել է Կենդանիների իրավունքների միջազգային հավաքի ընթացքում
