Ռուսաստանում կթույլատրվի խոյադելֆինների որսը (տեսանյութ)
![](https://econews.am/disk/12-05-18/ff9db62a5b9cfb4d44a039600ef187fe.jpg)
Մինչ ՌԴ Բնապահպանության նախարարությունը, չնայած գիտնականների և բնապահպանների հորդորներին, հրաժարվում է գիշատիչ խոյադելֆինների տեսակը գրանցել Կարմիր գրքում, նույն երկրի Գյուղատնտեսության նախարարության ենթակա կառույցներից մեկն այս կենդանու որսի թույլտվության փաստաթղթեր է նախապատրաստում:
Վլադիվոստոկում տեղի ունեցած հանրային լսումների ժամանակ Գյուղնախը առաջարկել է խոյադելֆինի 13 առանձնյակի որսի թույլտվության քվոտա սահմանել: Դա մեծ քանակություն է հաշվի առնելով, որ Ռուսաստանի ծովերում հաշվվում է ոչ ավելի քան 400-600 խոյադելֆին:
Այս քայլը Գյուղնախը բացատրում է հյուսիսում ապրող ազգերի կենսական անհրաժեշտությունների մասին անհանգստությամբ: «Այն ժամանակ, երբ հասարակ քաղաքաբնակ մարդը՝ դուրս գալով տրանսպորտից, իր համար սուպերմարկետից գնումներ է կատարում, հյուսիսային փոքրիկ հյուղակում բնակվող որսորդը նավակ է նստում, որպեսզի իր համար սնունդ և գումար հայթայթի որսի միջոցով»,- ասվում է հայտարարության մեջ:
Բայց, ինչպես գրում է National Geographic-ը, այս տարբերակն այնքան էլ արժանահավատ չէ, քանի որ ժամանակակից Ռուսաստանում խոյադելֆինների որսը ոչ թե կենսական անհրաժեշտություն է, այլ դաժան և շատ շահավետ բիզնես: Այս կենդանիներին հաճախ վաճառում են ակվարիումային բիզնեսներին, ընդ որում՝ յուրաքանչյուր առանձյակն արժե 1-15 մլն դոլար: Բացի օրենքով թույլատրված սահմանաչափերի, իրականացվում է նաև որսագողություն, որի դեմ պայքարելը դժվար է, քանի դեռ խոյադելֆինը համարվում է արդյունաբերական տեսակ և չի պահպանվում օրենքով:
Աղբյուրը նշում է նաև, որ ՌԴ Բնապահպանության և Գյուղատնտեսության նախարարություններն ամեն ինչ անում են, որպեսզի ծովային գիշատչի այս տեսակը չհայտնվի Կարմիր գրքի նոր հրատարակության մեջ:
Նյութը պատրաստվեց EcoNews.am բնապահպանական տեղեկատվական կայքի կողմից:
Այս թեմայով
![](/timthumb.php?src=http://econews.am/disk/25-10-22/541020de43cb253a5603231209f62797.jpg&w=300&h=200)
![](/timthumb.php?src=http://econews.am/disk/18-10-22/71fc62c3f1efe20bfbd9d7ace47cfb83.jpg&w=300&h=200)
![](/timthumb.php?src=http://econews.am/disk/12-10-22/31036ab8a947a76de9cb83942cd48553.jpg&w=300&h=200)
![](/timthumb.php?src=http://econews.am/disk/27-09-22/dab2c98e135e8cf6c4b4578d5fd717cc.jpg&w=300&h=200)
![](/timthumb.php?src=http://econews.am/disk/20-09-22/55ba66c2d14e7b35f327b2cab5ea8ad6.jpg&w=300&h=200)