Քննարկվում են ՌԴ-ից Հայաստան փայտի ներկրման և բիովառելիք արտադրելու հնարավորությունները
ՀՀ բնապահպանության նախարարի տեղակալ Խաչիկ Հակոբյանն ընդունել է Հայաստան ժամանած ՌԴ Վոլոգդայի մարզի պատվիրակության անդամներին` մարզի անտառային համալիրի ղեկավար Ռոման Մարկովին, «Վոլոգդայի անտառային արդյունաբերողներ» բաժնետիրական ընկերության տնօրեն Ալեքսեյ Ալեքսեևին և վերջիններիս ուղեկցող Հայաստանում Ռուսաստանի առևտրային ներկայացուցչության խորհրդատուներ Ստանիսլավ Պիվենին ու Իգոր Զինովևին:
Հանդիպմանը մասնակցել են նաև ՀՀ բնապահպանության նախարարության և ՀՀ Գյուղատնտեսության նախարարության «Հայանտառ» ՊՈԱԿ-ի համապատասխան ստորաբաժանումների ղեկավարներ:
Հանդիպմանը քննարկվել են Հայաստան ՌԴ Վոլոգդայի մարզից փայտի և բրիկետների ներկրման, ինչպես նաև փայտանյութից տեղում բիովառելիք արտադրելու հնարավորությունները, ինչը կնվազեցնի Հայաստանի անտառային տարածքների վրա ճնշումը և ապօրինի ծառահատումների դեպքերը:
Կողմերը քննարկել են նաև նորաբաց Մեղրիի ազատ տնտեսական գոտու հնարավորությունները` դեպի Իրանի շուկա ռուսական փայտանյութի արտահանման ուղղությամբ:
Այս թեմայով
Մասնագետների դաշինքը քննարկում է Հայաստանի անտառների վերականգնման խնդիրը
Այն մասին, թե ինչպես են անտառները մեզ փրկում...
Ինչպես են Դիլիջան ազգային պարկում ծառեր «սպանում» (տեսանյութ)
Ահազանգ․ Երևանի կենտրոնում հաստաբուն ծառ են կտրել (ֆոտո)
Թեփի պարկերով քողարկված ապօրինի փայտանյութ է հայտնաբերվել
