Որն է Մասիսում տարածված գարշահոտության պատճառը (ֆոտո)
![](https://econews.am/disk/10-10-17/f5039e3ee377ed06eac08c3056a6e4ca.jpg)
![](https://econews.am/disk/10-10-17/6ace5b57dea286d0a8c1585ae560b01c.jpg)
![](https://econews.am/disk/10-10-17/d676fd91b04b1058d646991f180d01e4.jpg)
![](https://econews.am/disk/10-10-17/3028258534af142f761e8a091fd96a7b.jpg)
Բնապահպանության և ընդերքի տեսչական մարմինը վարչական վարույթ է իրականացնում` ք. Մասիսում շրջակա միջավայրի աղտոտվածության պատճառները պարզելու համար: Պարբերաբար տարածքի տարբեր վայրերից կատարվում են հեղուկի և օդային ավազանի նմուշների լաբորատոր փորձաքննություններ:
Այս վարչական վարույթի շրջանակներում Տեսչական մարմինը փորձում է պարզել, թե տվյալ տարածքում գործող որ ձեռնարկությունների արտադրական արգասիքներում են գերազանցում քիմիական թունավոր նյութերի թույլատրելի չափաքանակը, որոնք թափվում են կոյուղաջրերի հեռացման համակարգ և դառնում մթնոլորտի աղտոտվածության պատճառ:
Տեղեկացնենք նաև` քանի որ այս տարի կլիմայական պայմանները խիստ չորային, երաշտային էին, ուստի սակավաջրության պատճառով տեղի գյուղացիները կոտրել են կոյուղաջրերի հեռացման համակարգի խողովակը և դրանով իրականացրել գյուղատնտեսական դաշտերի ոռոգում, ինչը կրկնակի է ազդել մթնոլորտի աղտոտվածության վրա:
Այս պահին իրականացվում են գործողություններ երկու հիմնական ուղղությամբ. նախ կանխարգելել գյուղացիների կողմից կոյուղաջրերի միջոցով դաշտերի ոռոգումը, միևնույն ժամանակ պարզել արտադրական կոյուղաջրերի հեռացման համակարգ լցվող չափաքանակը գերազանցող քիմիական թունավոր նյութերի աղբյուրը: