Եթե մարդը վատ է վերաբերում իր շանը, ապա այդպես կվերաբերի նաև վայրի կենդանիներին. կենդանիների պաշտպանությանը նվիրված միջոցառում (ֆոտո)
![](https://econews.am/disk/09-10-17/66fef341345de747f0b49b1b4e88b6bf.jpg)
![](https://econews.am/disk/09-10-17/f618e95863c8183de8f534718aa64e12.jpg)
![](https://econews.am/disk/09-10-17/87a80e6b0e5ca84cb746ea2e5377ec70.jpg)
![](https://econews.am/disk/09-10-17/a6f57b03c051b3d914d8d0e89f592427.jpg)
![](https://econews.am/disk/09-10-17/184872ff82a19992aade39abd85595db.jpg)
![](https://econews.am/disk/09-10-17/e982d749ae164e0d14d099d106f9095b.jpg)
![](https://econews.am/disk/09-10-17/b96ce00fd69d24a8319b8e816fffae54.jpg)
![](https://econews.am/disk/09-10-17/ff239cafd249b494ba420f19b3bf5b07.jpg)
![](https://econews.am/disk/09-10-17/09646fe6dc680814b352191d14019d36.jpg)
![](https://econews.am/disk/09-10-17/c105cfaba47941104ede8489171ed4be.jpg)
![](https://econews.am/disk/09-10-17/498b915d360e0a0d094bb1b44eb38a5c.jpg)
Այսօր՝ հոկտեմբերի 9-ին, Թումանյանի այգում տեղի ունեցավ «Civil Voice» հասարակական կազմակերպության կողմից կազմակերպված կենդանիների պաշտպանությանը նվիրված միջոցառում: Միջոցառմանը ներկա էին բազմաթիվ կենդանասերներ, կենդանապաշտպաններ և բնության նկատմամբ մտահոգ վերաբերմունք ունեցող մարդիկ:
«Նախ և առաջ շատ ուրախ եմ, որ մենք շատ ենք և դա նշանակում է՝ հույս կա, որ հետագա սերունդները, ի տարբերություն մեզ, գոնե «մարդ» կդառնան: Հույս ունեմ, որ առաջիկայում ևս մենք կկարողանանք նաև երեխաներին ներգրավել մեր տարբեր միջոցառումներում: Ես տեսնում եմ, որ շատ-շատ գործեր են արվում, որոնց մենք առանձնապես չենք անդրադառնում: Ես կարծում եմ նաև, որ մենք հանդիպումներ, ցուցահանդեսներ կկազմենք փակօդյա տարածքներում: Ողջունում եմ բոլորին և ուզում եմ նշել, որ հանուն մեր բնասերների և բնության մենք կանենք ամեն ինչ»,- ասաց «Փրո Փոուզ» կենդանապաշտպան բարեգործական կազմակերպության հայաստանյան ներկայացուցիչ Նարե Արամյանը:
Միջոցառմանը ներկա նաև բազմաթիվ շներ և կատուներ, որոնք ավելի բնական էին դարձնում մթնոլորտը: Միջոցառման մասնակիցները նաև հնարավորություն ունեին լուսանկարվելու սպիտակ արջերի և անգամ կոկորդիլոսի հետ:
Ներկա էր նաև WWF հայաստանյան գրասենյակի ղեկավար Կարեն Մանվելյանը, ով մեզ /EcoNews.am բնապահպանական տեղեկատվական կայք/ հետ զրույցում ասաց. «Այս միջոցառման հիմնական նպատակը մարդկանց մոտ կենդանիների պահպանության և կենդանիների իրավունքների պաշտպանության իրազեկման մակարդակի բարձրացումն է: Իրականում դրանք տարբեր ոլորտներ են: Մեր ֆոնդի հիմնական նպատակը կենդանիների և ընդհանրապես բնության պահպանությունն է: Այս երկու ոլորտներն իրար փոխկապակցված են: Քանի որ, եթե մարդը վատ է վերաբերում իր շանը կամ կատվին, ապա այդպես կվերաբերի նաև վայրի կենդանիներին: Բազմաթիվ զարգացած երկրներ կան, որոնք թույլ չեն տալիս ցանկացած կենդանու նկատմամբ դաժան, անմարդկային վերաբերմունք: Ինչ վերաբերում է Հայաստանում վայրի կենդանիներին և այն իրավիճակին, որը մենք ունենք մասնավոր ռեստորաններում, անընդունելի է, որովհետև անմխիթար պայմաններում են պահվում այդ կենդանիները: Նախ հայտնի չէ՝ անգամ որտեղից են ձեռք բերել: Եվս մեկ կարևոր խնդիր է հանդիսանում Հայաստանում կենդանիների խրթվիլակների պտրաստման խնդիրը. պետք է օրենքով արգելել: Դրանից բացի տհաճ զգացողություններից, ուրիշ ոչ մի օգուտ չկա: Ոչ մի զարգացած երկրում նման բան չենք տեսնի»,-