ՄԱՐՑասպանությունը տապալվեց․ Մոտկորի բնակիչները դեմ են հանքահեններին (տեսանյութ)

Օրերս Մարցում նախատեսված հանրային քննարկումը տապալվեց գյուղի բնակիչների կողմից, որոնք դեմ արտահայտվեցին գյուղում երկրաբանական ուսումնասիրությունների կատարմանը, հանքավայրի շահագործմանը և միախմբված լքեցին դահլիճը։

Մարցեցիները պնդում են, որ իրենց աչքերով են տեսել, թե ինչպես են խափել թեղուտցիներին և չեն ուզում, որպեսզի նույնը կրկնվի իրենց գյուղում։

Հանրային քննարկմանը ներկա են գտնվել նաև «Հրանտ Մաթևոսյան» հիմնադրամի տնօրեն Դավիթ Մաթևոսյանը, «Խարույկ» արշավական ակումբի հիմնադիր Գեղամ Օհանյանը և այլոք, որոնք խոստացել են Մոտկորի զարգացման հայեցակարգ մշակել և նպաստել համայնքի զարգացմանը ոչ հանքարդյունաբերական ճանապարհով։ 

Հանրային քննարկմանը ներկա է գտնվել նաև Կանաչների միության նախագահ Հակոբ Սանասարյանը, որը ներկայացրել է ուրանաբեր հանքային դաշտերի քարտեզը, ըստ որի՝ Մարց համայնքը ևս ընդգրկված է այդ քարտեզում։ Ուրանը համարվում է ամենավտանգավոր ծանր մետաղը, քանի որ նաև ճառագայթում է առաջացնում, սակայն տարիների ընթացքում այն համահունչ է դարձել բնության հետ, այլ բան է, եթե այն դուրս բերվի, շփվի օդի ու ջրի հետ։ Ըստ Սանասարյանի՝ դա աղետալի հետևանքներ կունենա։

Մանրամասները՝ տեսանյութում։ 

Օրացույց
Ամենադիտված
Այսօր
Այս շաբաթ
Այս ամիս
Մենք Facebook-ում