Դադարեցվել է Լիճքի պղնձի հանքավայրի ընդերքօգտագործման իրավունքը
![](https://econews.am/disk/04-06-21/5710dc64ee1e6079c73ee12b3df8d7e7.jpg)
Տարածքային կառավարման և ենթակառուցվածքների նախարարի պաշտոնակատար Սուրեն Պապիկյանի հրամանով` դադարեցվել է «Թաթսթոուն» ՍՊԸ-ի` Սյունիքի մարզի Լիճքի պղնձի հանքավայրի ընդերքօգտագործման իրավունքը:
Հրամանի համաձայն՝ դադարեցման պատճառն այն է, որ Լիճքի հանքավայրում ընկերությունն օգտակար հանածոյի արդյունահանման աշխատանքներ մինչ օրս չի իրականացրել: Այդպես հայտնել է«Հանրապետական երկրաբանական ֆոնդ» ՊՈԱԿ-ը: Ըստ այդմ` խախտվել է Ընդերքի մասին օրենսգրքի մի շարք հոդվածներ, ինչպես նաև ընկերության և կառավարության միջև 2013թ. կնքված ընդերքօգտագործման պայմանագիրը:
Վերոնշյալ խախտումների վերաբերյալ «Թաթսթոուն» ՍՊԸ-ին 2020թ. մարտին տրվել է գրավոր զգուշացում 90-օրյա ժամկետում խախտումերը վերացնելու պահանջով: Ընկերությունը խախտումները մասամբ է վերացրել: Վերջինս կատարել է պահանջվող վճարումները, դրանց վճարման հանձնարարականները ներկայացրել լիազոր մարմնին, սակայն արդյունահանում չի իրականացրել:
Ընդգծենք, որ հանքավայրում իրականացվող լեռնակապիտալ աշխատանքները դադարեցվել են 2018 թվականից: 2020թ.–ից դադարեցվել էր նաև «Թաթսթոուն» ՍՊԸ-ի ընդերքօգտագործման իրավունքը Սյունիքի մարզի Այգեձորի պղինձ-մոլիբդենային հանքավայրի Թղկուտի տեղամասի համար, որը տրվել էր 2013թ․-ին։
Այս թեմայով
![](/timthumb.php?src=https://econews.am/disk/03-08-23/5f85b80b82d022d0e95410d9fb7523da.jpg&w=300&h=200)
![](/timthumb.php?src=http://econews.am/disk/02-09-22/1795dfc7172a5053b9504176d64a50f6.jpg&w=300&h=200)
![](/timthumb.php?src=http://econews.am/disk/02-09-22/7fdef48e91dad8a820115591b12c3b84.jpg&w=300&h=200)
![](/timthumb.php?src=http://econews.am/disk/24-08-22/3639bc5f877a3013b950bd8ef05ca4bc.jpg&w=300&h=200)
![](/timthumb.php?src=http://econews.am/disk/22-08-22/9cd4da82ac123ea324c3d6021a050b09.jpg&w=300&h=200)