Դատարանը բավարարել է Գնդեվազի բնակչի հայցն ընդդեմ «Լիդիան Արմենիա»-ի աշխատակցի
![](https://econews.am/disk/18-08-20/a216c65e556495c46dc1b7e416be393d.jpg)
Գնդեվազ գյուղի բնակիչ, լրագող Թեհմինե Ենոքյանի և Ամուլսարի հանքավայրը շահագործել նախատեսող «Լիդիան Արմենիա» ՓԲԸ աշխատակից Հովսեփ Ասոյանի միջև դատական վեճն ավարտվել է Թեհմինե Ենոքյանի հաղթանակով:
Դատական վճռով ասվում է․ «Պարտավորեցնել պատասխանող Հովսեփ Վարդանի Ասոյանին «Ֆեյսբուք» սոցիալական ցանցում Թեհմինե Մխիթարի Ենոքյանին վիրավորելու համար հրապարակայնորեն ներողություն խնդրել»:
Դատարանը վճռել է նաև պատասխանող Հովսեփ Վարդանի Ասոյանից հօգուտ հայցվոր Թեհմինե Մխիթարի Ենոքյանի բռնագանձել 200.000 ՀՀ դրամ` որպես վիրավորանքի փոխհատուցման գումար: Պատասխանող` Հովսեփ Վարդանի Ասոյանից հօգուտ հայցվոր Թեհմինե Մխիթարի Ենոքյանի բռնագանձել 8.000 ՀՀ դրամ` որպես պետական տուրքի գումար: Պատասխանող` Հովսեփ Վարդանի Ասոյանից հօգուտ հայցվոր Թեհմինե Մխիթարի Ենոքյանի բռնագանձել 100.000 ՀՀ դրամ` որպես փաստաբանի խելամիտ վարձատրության գումար:
Հիշեցնենք նաև, որ Թեհմինե Ենոքյանի բողոքի հիման վրա քրեական գործ էր հարուցվել: Գործի քննությամբ պարզվել էր, որ զրպարտող լուսանկարներ հրապարակած «Vahagn Hovhannisyan» օգտատերի էջը վարել է «Լիդիան Արմենիա» ՓԲԸ աշխատակից Հովսեփ Ասոյանը:
Այս թեմայով
![](/timthumb.php?src=http://econews.am/disk/02-09-22/1795dfc7172a5053b9504176d64a50f6.jpg&w=300&h=200)
![](/timthumb.php?src=http://econews.am/disk/02-09-22/7fdef48e91dad8a820115591b12c3b84.jpg&w=300&h=200)
![](/timthumb.php?src=http://econews.am/disk/24-08-22/3639bc5f877a3013b950bd8ef05ca4bc.jpg&w=300&h=200)
![](/timthumb.php?src=http://econews.am/disk/22-08-22/9cd4da82ac123ea324c3d6021a050b09.jpg&w=300&h=200)
![](/timthumb.php?src=http://econews.am/disk/02-08-22/e4060fac3eecfc54b3f98f013ee662ed.jpg&w=300&h=200)