«Միշոն տարիներ շարունակ աջակցել է անտուն կենդանիներին․․․ լուռ, առանց ավելորդ աղմուկի» (ֆոտո)
«Դինգո թիմ» ՀԿ պաշտոնական էջում շարունակվում են ներկայացվել հետաքրքիր պատմություններ անտուն կենդանիների խնդիրների հետ կապված։ Այս անգամ ներկայացված պատմությունը դրական է կրում է ուսուցողական բնույթ։ EcoNews.am բնապահպանական տեղեկատվական կայքը ևս լիահույս է, որ օրինակը կլինի «վարակիչ» հասարակության համար։
«Դինգո թիմ»-ը գրում է․ «Միշոն շատ վաղուց Դինգո Թիմի լավ ընկերն է, տարիներ շարունակ նա միշտ աջակցել է մեզ և այդ ամենն արել է լուռ, առանց ավելորդ աղմուկի։
Ավելին՝ նա ինքն ունի փողոցից փրկած և որդեգրած 4 հաշմանդամ կատու, այդ թվում՝ կույր, երեք ոտանի, խուլ: Իսկ նկարի միջի Կյաժին նա գտել է գրեթե փտած, բուժել է, ոտքի հանել և որդեգրել։
Ցանկանում ենք, որ բոլորդ իմանաք Միշոյի հենց այս կարևորագույն հատկանիշի՝ շատ կենդանասեր լինելու մասին:
Եվ թող որ նման լավ օրինակը վարակիչ լինի, շատանա և տարածվի»։
Այս թեմայով
«Բնության մարտահրավերները սահմաններ չեն ճանաչում. դրանք ազդում են բոլորիս վրա՝ անկախ ազգությունից կամ դավանանքից»․ IUCN համաժողով՝ Հայաստանում
Այն մասին, թե ինչպես են անտառները մեզ փրկում...
«Ձին անմարդկային տանջանքների է ենթարկվում»․ EcoNews.am-ը դիմել է պատասխանատուներին
Կտրված ոտքով հովազ է նկարահանվել հարավային Հայաստանում (տեսանյութ)
10-ից ավելի մեքենա է հայտնաբերվել՝ տարբեր ծավալի ապօրինի փայտանյութով (տեսանյութ)
