Այդ տարածքում ևս մեկ պոչամբարի առկայությունը տարածաշրջանի գլոբալ անապատացման և թունավորման վերջը կլինի․․․

«SOS Ալավերդի» նախաձեռնության անդամ Օլեգ Դուլգարյանն ահազանգում է՝ գրելով․ «Եթե պետք լինի սեփական կյանքով կվճարեմ

Ըստ ինձ հասնող ոչ հաստատված տեղեկությունների, Ախթալայի ԼՀԿ-ն մտադրություն ունի վերակենդանացնել այն ծրագիրը, որով նախատեսվում էր նոր պոչամբար կառուցել Մեծ Այրում և Ճոճկան գյուղերի միջակայքում, "Նահատակ" պոչամբարի շարունակությունը հանդիսացող վայրում, ձորում, գյուղատնտեսական հողերի վրա, Դեբեդ գետին ավելի մոտ, միջպետական երկաթգծին ավելի մոտ, որը 2015 թվականին կասեցվեց SOS Մեծ Այրում նախաձեռնության պայքարի արդյունքում և իշխող ռեժիմը քաղաքական քայլ կատարեց այդ մտքից հետ կանգնելու համար։ Այդ ժամանակ պայքարը ընթացավ, թե փողոցներում, թե գյուղում, թե ԱԺ-ում, թե կառավարության դիմաց։

Հետո այդ մտքից հետ կանգնելու հիմնավորման մեջ նշվեց, որ հետ են կանգնում, քանզի դեմ է գյուղի բնակչությունը և բացի դրանից այդ տարածքում առկա է կարմիր գրքում գրանցված կենդանական և բուսական աշխարհ։ Այդ տարածքում ևս մեկ պոչամբարի առկայությունը թե Մեծ Այրում գյուղի կործանման և թե արդեն ամբողջ տարածաշրջանի գլոբալ անապատացման և թունավորման վերջը կլինի։

Ասում եմ՝ նոր պոչամբար այդ տարածքում չի կառուցվելու, նույնիսկ, եթե պետք լինի դրա համար սեփական կյանքով կվճարեմ»։ 

Եղանակի տեսություն
Օրացույց
Ամենադիտված
Այսօր
Այս շաբաթ
Այս ամիս
Մենք Facebook-ում