Պարսկական հովազը՝ «Yerevan Marathon 2019»-ի խորհրդանիշ
![](https://econews.am/disk/23-09-19/582b970a7e8eef1e1dcb5addfed628d0.jpg)
Առաջավորասիական/պարսկական հովազը կդառնա «Yerevan Marathon 2019»-ի խորհրդանիշը։ Այս մասին տեղեկանում ենք մարաթոնի հաղորդագրությունից, որում ասվում է․ «Կովկասյան տարածաշրջանում բազմաթիվ են այն կենդանատեսակները, որոնք անհետացման եզրին են։ Նրանց թվում է նաև կովկասյան ընձառյուծը․ այս վեհ և սլացիկ կատվազգիների թիվը ընդամենը 7-9-ն է Հայաստանի տարածքում։ Կովկասյան ընձառյուծը ներառված է ՀՀ Կարմիր գրքում և ԲՊՄՄ Կարմիր ցուցակում, իսկ 2019 թվականը ՀՀ կառավարության կողմից հռչակվել է կովկասյան ընձառյուծի տարի»։
Հիշեցնենք, որ առաջավորասիական/կովկասյան/պարսկական հովազը (Panthera pardus ciscaucasica կամ Panthera pardus saxicolor կամ Panthera pardus transcaucasica) գրանցված է նախկին ԽՍՀՄ-ի Կարմիր գրքում: Ենթատեսակն ընդգրկված է ԲՊՄՄ Կարմիր ցուցակում (ver. 3.1) «Endangered EN C2a (i)», իսկ տեսակը` «Near Threatened» կարգավիճակով: ԲՊՄՄ Կարմիր ցուցակի չափորոշիչներով գնահատվում է որպես «Կրիտիկական վիճակում գտնվող»` CR C2a(i); D: Արեալը ներառում է Հյուսիսային Կովկասը, Անդրկովկասը, Արևելյան Թուրքիան, Հարավային Թուրքմենստանը, Իրանը, Աֆղանստանը: ՀՀ կենդանիների կարմիր գրքի տվյալների համաձայն՝ Հայաստանում պոպուլյացիայի առավելագույն մեծ թվաքանակը 10-15 առանձնյակ է: Ներկայիս տարածման տարածքը կազմում է 7497,2 կմ2: Բնակեցման տարածքը կազմում է 2856,8 կմ2: Այն ներառում է մշտական և ժամանակավոր բնակեցման տարածքները և միջանցքներ: Մշտապես բնակվում է միայն «Խոսրովի անտառ» արգելոցում (207.9 կմ2) և գ. Նռնաձորից դեպի հյուսիս (296.9 կմ2) գտնվող տեղամասում գիշատիչը բնակվում է մշտապես: Պոպուլյացիայի նման կառուցվածքի պատճառով այն լիովին կախված է միջանցքների գործառնությունից:
Այս թեմայով
![](/timthumb.php?src=https://econews.am/disk/12-09-23/b7c4e686dc359003d758ee55a27af324.jpg&w=300&h=200)
![](/timthumb.php?src=https://econews.am/disk/03-08-23/5f85b80b82d022d0e95410d9fb7523da.jpg&w=300&h=200)
![](/timthumb.php?src=http://econews.am/disk/19-10-22/42b7737ae395b2f30fda70a4912287ba.jpg&w=300&h=200)
![](/timthumb.php?src=http://econews.am/disk/18-10-22/71fc62c3f1efe20bfbd9d7ace47cfb83.jpg&w=300&h=200)
![](/timthumb.php?src=http://econews.am/disk/12-10-22/31036ab8a947a76de9cb83942cd48553.jpg&w=300&h=200)