Կտրված թաթեր և ատամներ. կարմիրգրքյան արջը սնահավատության զոհ է դարձե՞լ (տեսանյութ)
![](https://econews.am/disk/06-07-19/535ac5bd18a1f01e162886fe6199ea49.jpg)
Զգուշացում. հրապարկումը պարունակում է դաժանություն ցուցադրող կադրեր
Օրերս Երևանի կենդանաբանական այգի ստացվել է ահազանգ այն մասին, որ Գեղարքունիքի մարզի Սպիտակասար լեռան հատվածում մայր արջ է սատկել, իսկ երկու քոթոթները մնացել են առանց խնամքի: Դեպքի վայր մեկնած ԵԿԱ աշխատակիցները, սակայն, տարածքում քոթոթների չեն հայտնաբերել, իսկ «Սևան» ազգային պարկի տեսուչները ևս հայտնել են, թե չեն տեսել քոթոթների:
ԵԿԱ գլխավոր կենդանաբույժ Հարություն Հովհաննիսյանը ուշագրավ փաստեր է արձանագրել. արջի թաթերը կտրված են եղել, ատամները՝ նույնպես: Վերջինս կարծում է, որ հավանաբար կենդանու վրա կրակել են:
Նշենք, որ ահազանգն ապօրինի որսի մասին վկայող հերթական դեպքն է: Գորշ արջը կարմիրգրքյան կենդանի է, որի որսն արգելված է, իսկ որսագողության դեպքերի համար սահմանված է տուգանք:
Կենդանու կտրված վերջույթներն ու ատամները վկայում են, որ Հայաստանում դեռ կան մարդիկ, որոնք գտնվում են «հեքիմական» հավատամքների ազդեցության ներքո և պատրաստ են կենդանուն սպանել ու ենթարկել խոշտանգման: Շատ հաճախ արջի վերջույթները, ատամները և անգամ յուղը կիրառվում են որպես թալիսման կամ բուժիչ միջոց:
Մանրամասները՝ շուտով:
Այս թեմայով
![](/timthumb.php?src=https://econews.am/disk/17-07-23/982c1721f392e11c1ca68d1cced6ea43.jpg&w=300&h=200)
![](/timthumb.php?src=http://econews.am/disk/19-10-22/42b7737ae395b2f30fda70a4912287ba.jpg&w=300&h=200)
![](/timthumb.php?src=http://econews.am/disk/18-10-22/71fc62c3f1efe20bfbd9d7ace47cfb83.jpg&w=300&h=200)
![](/timthumb.php?src=http://econews.am/disk/04-10-22/4a3536fc02a856929a0afb44821c5e8b.jpg&w=300&h=200)
![](/timthumb.php?src=http://econews.am/disk/04-10-22/9dcffedb69b44cc3c501c3b8c8a41ff5.jpg&w=300&h=200)