Ոստիկանությունը՝ բնությունից բռնված գիշատիչ թռչունների վաճառքի մասին
![](https://econews.am/disk/17-06-19/311df99d1d5aa68b2e24362ad7302a27.jpg)
Օրերս «Econews.am» բնապահպանական կայքում հրապարակվել էր «Ահազանգ. վայրի բնությունից բռնված գիշատիչ թռչուններն ազատ վաճառքի առարկա» վերնագրով հոդվածը, ըստ որի՝ Ալավերդի քաղաքի բնակիչ Մհեր Աղաջանյանը վաճառում է բու տեսակի թռչուն՝ 1 հատը 10.000 դրամով և ասում, որ այն բռնել է անտառներից:
Ձեռնարկված օպերատիվ-հետախուզական միջոցառումների շնորհիվ Մհեր Աղաջանյանը հրավիրվել է բաժին, որտեղ բացատրություն է տվել, որ մայիսի 22-ին, ժամը 12.00-ի սահմաններում, իրենց բակում գտնվող կիպարիս տեսակի ծառի տակ հայտնաբերել է ծառի վրա գտնվող թռչնի բնից ընկած 2 հատ բվի ձագ, և իր անվամբ գրանցված կայքէջում վաճառքի հայտարարություն է տեղադրել՝ բուի յուրաքանչյուր ձագի համար սահմանելով 10.000 դրամ գին: Սակայն մայիսի 24-ին համացանցում կարդալով «Հայկական բնապահպանական ճակատ» խմբի քննարկումներն իր հայտարարության վերաբերյալ, և գիտակցելով իր արարքի լրջությունը՝ նույն օրը թռչուններին բաց է թողել բնության գիրկը՝ նշված գործընթացը տեսանկարահանելով բջջային հեռախոսով: Նախապատրաստվում են նյութեր:
Այս թեմայով
![](/timthumb.php?src=https://econews.am/disk/17-10-23/c5edfa7f66ee4c1b568d55f48be94eb9.jpg&w=300&h=200)
![](/timthumb.php?src=http://econews.am/disk/14-11-22/53668a4135094479e1b121499ec66b4c.jpg&w=300&h=200)
![](/timthumb.php?src=http://econews.am/disk/09-11-22/3d4a5938f6b5c51ac6f85c10acedc877.jpg&w=300&h=200)
![](/timthumb.php?src=http://econews.am/disk/07-11-22/bad84e7ba842c1a8651a51e527e27c34.jpg&w=300&h=200)
![](/timthumb.php?src=http://econews.am/disk/19-10-22/42b7737ae395b2f30fda70a4912287ba.jpg&w=300&h=200)