Յուրաքանչյուր վաճառված ակնոցի դիմաց՝ մեկական ծառ, որպես փոխհատուցում բնությանը (ֆոտո)
![](https://econews.am/disk/01-05-19/28d65cf2340766c952762fcefbf19dca.jpg)
![](https://econews.am/disk/01-05-19/44a2f7ec5fc31f2a975826f46732036c.jpg)
![](https://econews.am/disk/01-05-19/12396ce8aec824dd46d2aa8296f274eb.jpg)
![](https://econews.am/disk/01-05-19/9f38df43617f5cb21b85c3ac511dbd40.jpg)
«Greenifying The Homeland» բարեգործական ծառատունկ-ցուցահանդեսի շրջանակներում կտնկվեն 100-ից ավել ծառեր: Ցուցահանդեսի բացումը տեղի է ունեցել ապրիլի 28-ին և այն կշարունակվի մինչև մայիսի 4-ը:
Twinz ընկերությունը, համագործակցելով «Էյ Թի Փի» բարեգործական հիմնադրամի և ՀԲԸՄ Հայաստանի հետ, կազմակերպել է առանձին ծառատեսակների և տնկիների ցուցադրություն-վաճառք՝ համադրված Twinz ապրանքանիշի հայկական արտադրության փայտե ձեռագործ ակնոցների ցուցադրություն-վաճառքի հետ: Միջոցառման փակման օրը տնկվելու են 104 ծառեր՝ ի հիշատակ ցեղասպանության 104-րդ տարելիցին: Ծառերից 84-ը տնկվելու են Գյումրու «Էմիլի Արեգակ» բազմակի հաշմանդամություն ունեցող երեխաների և երիտասարդների կենտրոնում: Մնացած ծառերը տնկվելու են Երևանում՝ Մաշտոցի պուրակում և Խաչքարերի պուրակում:
Twinz ընկերության հիմնադիր Բաբկեն Խաչատրյանն ասում է, որ բնության և շրջակա միջավայրի աղտոտվածության հանդեպ մտահոգությունը հանգեցրեց ցուցահանդեսի բնապահպանական միտմանը: Քանի որ Twinz ընկերությունը հանդիսանում է բնափայտ օգտագործող, ընկերությունը հարկ է համարում բնությանը փոխհատուցել: Սա է պատճառը, որ յուրաքանչյուր վաճառված ակնոցի դիմաց մեկական ծառ է տնկվելու:
«Էյ Թի Փի» հիմնադրամի տնօրեն Արթուր Հարությունյանի խոսքով՝ պետք է խրախուսել նման բնապահպանական միջոցառումները: Նա հայտնեց, որ ընդհանուր առմամբ ներկայացվել են յոթ տեսակի ծառեր՝ մշտադալար բույսեր, դեկորատիվ և պտղատու ծառեր, ինչպես նաև թփեր:
Հիմադրի խոսքով՝ Twinz-ն իր փայտե ակնոցներն արտադրում է որպես արվեստի նմուշներ, որոնք պատրաստված լինելով իտալական փայտից և գերմանական լինզաներից, եզակիության հետ մեկտող ապահովում են նաև դրանց բարձր որակը:
Այս թեմայով
![](/timthumb.php?src=http://econews.am/disk/14-11-22/53668a4135094479e1b121499ec66b4c.jpg&w=300&h=200)
![](/timthumb.php?src=http://econews.am/disk/12-10-22/5f6e5889be760a439890126be6e8d0cf.jpg&w=300&h=200)
![](/timthumb.php?src=http://econews.am/disk/03-10-22/3ed0cd88a585d0b9063c72d82930f05a.jpg&w=300&h=200)
![](/timthumb.php?src=http://econews.am/disk/29-08-22/038c59e885cb67c174b18db50a0f6814.jpg&w=300&h=200)
![](/timthumb.php?src=http://econews.am/disk/04-08-22/3f52cd957592d274fb7a3a15b24c0a2a.jpg&w=300&h=200)