Չեխիայում առյուծը «կերել» է իր 33-ամյա «տիրոջը» (ֆոտո)
![](https://econews.am/disk/07-03-19/d46c8d192f5998fd1a6f66a84e4d7d13.jpg)
![](https://econews.am/disk/07-03-19/0e06be2a97119a5996a09278e409a728.jpg)
![](https://econews.am/disk/07-03-19/874491316a230574432b6675f41bc248.jpg)
![](https://econews.am/disk/07-03-19/296fa588b0ae32e6c92c4ce1e2a411fd.jpg)
![](https://econews.am/disk/07-03-19/116fc621007ac97ecd6487db7148fee3.jpg)
Չեխիայում առյուծը հոշոտել է իրեն տան բակում պահող մարդուն: Միխալ Պրեսեկ անունով քաղաքացին տան բակում պահում էր 9 տարեկան առյուծ, ինչպես նաև մեկ էգ առանձնյակ բուծելու նպատակով, ինչն առաջացրել էր հարևանների դժգոհությունը: Պրեսեկի հայրը հայտնաբերել է որդու դին առյուծի վանդակում և հայտնել է տեղի լրատվամիջոցներին, որ այն ներսից կողպված է եղել:
Դեպքի վայր ժամանած ոստիկանները կրակ են բացել վանդակում պահվող կենդանիների ուղղությամբ և սպանել նրանց: Ոստիկանության խոսնակը լրատվամիջոցներին հայտնել է, որ «դա միանգամայն անհրաժեշտ է եղել մարդուն հասնելու համար»:
Ինչպես տեղեկանում ենք BBC-ից, 33-ամյա Միխալ Պրեսեկը որձ առյուծին գնել էր 2016թ.-ին, իսկ էգին՝ նախորդ տարի և պահել է նրանց Զդեհով կոչվող գյուղի տան բակում ինքնաշեն պատրաստված վանդակի մեջ:
Ավելի վաղ նրան մերժել են տնային պայմաններում կենդանիների պահումը և բազմացումը թույլատրելու հարցում և նույնիսկ կիրառել են տուգանք, բայց նրա կոնֆլիկտն իրավապահ մարմինների հետ մտել է փակուղի, երբ վերջինս հրաժարվել է որևէ մեկին թույլատրել մուտք գործել մասնավոր տարածք:
Միխալ Պրեսեկը նախորդ ամռանը ևս սկանդալի կենտրոնում էր հայտնվել, երբ հեծանվորդը պատահաբար հանդիպել էր նրան էգ առյուծի հետ վզկապով զբոսնելիս: Ոստիկանության միջամտությունից հետո դեպքը ճանաչվել էր որպես ճանապարհատրանսպորտային պատահար: Համայնքի ղեկավարը հույս է հայտնել, որ այս ողբերգական դեպքից հետո վերջապես հնարավոր կլինի լուծել այս երկար ձգված խնդիրը:
Նշենք, որ տարիներ շարունակ EcoNews.am բնապահպանական տեղեկատվական կայքը բարձրաձայնում է ՀՀ-ում տարբեր մասնավոր տարածքներում պահվող վայրի կենդանիների խնդրի մասին՝ թվարկելով բազմաթիվ հնարավոր խնդիրներ և վտանգներ, սակայն իրավիճակը մինչ այսօր մնում է անվերահսկելի: Մինչ այժմ բաց է մնացել նաև կենդանիների նկատմամբ պատասխանատու վերաբերմունքը սահմանող օրենքի մշակումը և կիրառումը, այն դեպքում, երբ ՀՀ-ն տարածաշրջանում միակ երկիրն է, որը նշված օրենքը դեռ չի ընդունել:
Այս թեմայով
![](/timthumb.php?src=https://econews.am/disk/17-10-23/c5edfa7f66ee4c1b568d55f48be94eb9.jpg&w=300&h=200)
![](/timthumb.php?src=http://econews.am/disk/14-11-22/53668a4135094479e1b121499ec66b4c.jpg&w=300&h=200)
![](/timthumb.php?src=http://econews.am/disk/07-11-22/bad84e7ba842c1a8651a51e527e27c34.jpg&w=300&h=200)
![](/timthumb.php?src=http://econews.am/disk/19-10-22/42b7737ae395b2f30fda70a4912287ba.jpg&w=300&h=200)
![](/timthumb.php?src=http://econews.am/disk/12-10-22/5f6e5889be760a439890126be6e8d0cf.jpg&w=300&h=200)