«Շանել»-ը հրաժարվել է էկզոտիկ կենդանիների կաշվից և մորթուց
![](https://econews.am/disk/05-12-18/45f568f35152e32b80f49e4952489019.jpg)
«Շանել» (Chanel) նորաձևության տունը հայտարարել է, որ այլևս չի օգտագործի էկզոտիկ կենդանիների կաշին և մորթին իր հավաքածուներում: Սա նշանակում է, որ ֆրանսիական նորաձևության տունը կհրաժարվի կոկորդիլոսների, մողեսների, օձերի կաշիների օգտագործումից, իսկ մորթիների կիրառումն արդեն իսկ հասցվել էր նվազագույնի:
Փոխարենը, նորաձևության տունը հայտարարել է, որ սկսելու է աշխատանքներ նոր՝ ավելի կայուն, նյութերի մշակման ուղղությամբ, որոնք կունենան քիչ ազդեցություն շրջակա միջավայրի վրա, չնայած, բրեդը դեռևս չի մանրամասնել, թե կոնկրետ ինչ է նախատեսվում:
«Շանել»-ի տնօրեններից մեկը՝ Բրունո Պավլովսկին հայտնել է, որ այս որոշումն ամենառաջին հերթին գործնական բնույթ է կրել, քանի որ շատ դժվար էր գտնել կենդանու կաշի, որը միաժամանակ կհամապատասխաներ բրենդի դիզայնին և էթիկական ստանդարտներին:
Կաշվից պատրաստված պայուսակները երկար տարիներ շարունակ բրենդի համար հանդիսացել են հիմնական արտադրանքը, որոնք հաճախակի հայտնվում էին նորաձևության ամսագրերի առաջին էջերում կամ հայտնիների ձեռքերին: Պավլովսկին բրենդի երկրպագուների համար նշել է նաև, որ նորաձևության տան տաղանդավոր թիմը կհիմնվի սեփական ինովացիոն գաղափարների վրա, որոնք կապահովեն բարձր էթիկական ստանդարտներ:
Այս թեմայով
![](/timthumb.php?src=http://econews.am/disk/12-10-22/31036ab8a947a76de9cb83942cd48553.jpg&w=300&h=200)
![](/timthumb.php?src=http://econews.am/disk/25-07-22/53e1f85bad57842f5edde3e90f4e2be3.jpg&w=300&h=200)
![](/timthumb.php?src=http://econews.am/disk/24-05-22/3c8c1968c8ea98e536a76a1309627eb2.jpg&w=300&h=200)
![](/timthumb.php?src=http://econews.am/disk/13-05-22/7c5adb36f4ce9cce894b9c0b17f9facf.jpg&w=300&h=200)
![](/timthumb.php?src=http://econews.am/disk/04-05-22/be666d5e62c7f236c0afcb1f20b670d8.jpg&w=300&h=200)