2020թ.-ին աշխարհը հնարավոր է կորցնի վայրի կենդանիների 2/3 մասը
![](https://econews.am/disk/29-10-18/8da07f33d72a58378624be582b4338da.jpg)
Բնապահպանական երկու խոշոր կազմակերպությունների կողմից հրապարակվող հաշվետվությունը կանխատեսում է սարսափելի էկոլոգիական ցուցանիշներ կենդանական աշխարհի համար: Նախապատրաստվող հաշվետվությունը ենթադրում է, որ 2020թ.-ին ողնաշարավոր կենդանիների 2/3-ը հնարավոր է վերացած լինեն:
Նոր հաշվետվությունը կոչվում է «Կենդանի մոլորակի ինդեքս» (Living Planet Index) և պատրաստվել է Վայրի բնության համաշխարհային հիմնադրամի (World Wildlife Fund) ու Լոնդոնի կենդանաբանական հասարակության (Zoological Society of London) կողմից: Ինդեքսը ցույց է տալիս, որ 1970-2012թթ. ընթացքում կենդանական աշխարհի պոպուլյացիան կրճատվել է 58 տոկոսով մեծամասամբ պայմանավորված մարդու ակտիվության աճով՝ սկսած որսագողությունից մինչև ապրելավայրի կրճատում: Այնուհետև մասնագետների խումբը տարբեր վայրերից հավաքագրված տվյալները էքստրապոլյացիա է արել 2020թ.-ի համեմատությամբ:
Հետազոտողները եկել են եզրակացության, որ տարիների ընթացքում ամենաշատ վնասներ են կրել ծովային կաթնասունները, ձկները և թռչունների որոշ տեսակներ, մասնավորապես՝ գիշատիչները:
Հաշվետվությունը սկսվում է. «Մենք պետք է գործենք այսօր, որպեսզի վերափոխենք մեր սննդի և էներգետիկայի համակարգերը, ինչպես նաև հանձն առնենք գլոբալ տաքացմանը, կենսաբազմազանության պաշտպանությանն ու կայուն զարգացմանն ուղղված պարտավորությունները»:
Նյութը պատրաստվեց EcoNews.am բնապահպանական տեղեկատվական կայքի կողմից:
Այս թեմայով
![](/timthumb.php?src=https://econews.am/disk/17-10-23/c5edfa7f66ee4c1b568d55f48be94eb9.jpg&w=300&h=200)
![](/timthumb.php?src=https://econews.am/disk/12-09-23/b7c4e686dc359003d758ee55a27af324.jpg&w=300&h=200)
![](/timthumb.php?src=https://econews.am/disk/03-08-23/5f85b80b82d022d0e95410d9fb7523da.jpg&w=300&h=200)
![](/timthumb.php?src=http://econews.am/disk/14-11-22/53668a4135094479e1b121499ec66b4c.jpg&w=300&h=200)
![](/timthumb.php?src=http://econews.am/disk/07-11-22/bad84e7ba842c1a8651a51e527e27c34.jpg&w=300&h=200)