Ամուլսարի վերաբերյալ ավարտեցինք նաև աշխատանքային խմբի գործընթացը. Արթուր Գրիգորյան
![](https://econews.am/disk/02-10-18/78ee196a057ee020b7d442bdfe2517b9.jpg)
«Ամուլսարի վերաբերյալ ավարտեցինք նաև աշխատանքային խմբի գործընթացը: Խումբը տեսչության հետ կապ չունի և ձևավորվել ու գործում էր հասարակական հիմունքներով: Վաղը խմբի անդաների եզրակացություններն ու կարծիքները, ինչպես նաև Լիդիան Արմենիա ընկերության առարկությունները կներկայացնեմ վարչապետի աշխատակազմին: Այս նյութերը գաղտնի չեն և համակարգված կերպով կտրամադրվեն նաև մամուլին ու այլ շահագրգիռ անձանց: Ի տարբերություն տեսչական մարմնի, աշխատանքային խումբն իրավունք ուներ և արել է նաև ընկերության ներկայացրած ՇՄԱԳ հաշվետվության և դրա հիման վրա տրված բնապահպանական փորձաքննական եզրակացության վերաբերյալ դիտարկումներ»,- իր ֆեյսբուքյան էջում գրում է Բնապահպանության և ընդերքի տեսչական մարմնի ղեկավար Արթուր Գրիգորյանը:
Վերջինս մանրամասնում է. «Նշեմ նաև, որ վաղը մեկում եմ Կապան՝ Քաջարանի հանքավայրի վերաբերյալ աշխատանքային խմբի ձևավորման օրակարգով: Չորեքշաբթի օրը՝ հոկտեմբերի 3-ին, ժամը 16:00-ից, Սյունիքի մարզպետարանի դահլիճում տեղի կունենա հանրային քննարկում, որտեղ կներկայացվի տեղեկատվություն աշխատանքային խմբի գործունեության, դրա իրավական հիմքերի, արդյունքների կարևորության և համայնքային ներգրավվածության վերաբերյալ: Սկսենք Քաջարանի հարցով աշխատանքային խմբի ձևավորման գործընթացը: Համեցեք քննարկման»:
Այս թեմայով
![](/timthumb.php?src=https://econews.am/disk/12-09-23/b7c4e686dc359003d758ee55a27af324.jpg&w=300&h=200)
![](/timthumb.php?src=https://econews.am/disk/03-08-23/5f85b80b82d022d0e95410d9fb7523da.jpg&w=300&h=200)
![](/timthumb.php?src=http://econews.am/disk/25-10-22/541020de43cb253a5603231209f62797.jpg&w=300&h=200)
![](/timthumb.php?src=http://econews.am/disk/18-10-22/71fc62c3f1efe20bfbd9d7ace47cfb83.jpg&w=300&h=200)
![](/timthumb.php?src=http://econews.am/disk/12-10-22/31036ab8a947a76de9cb83942cd48553.jpg&w=300&h=200)