Burberry բրենդը հրաժարվել է բնական մորթու կիրառումից
![](https://econews.am/disk/18-09-18/d639c3faf0090da584b58bfee07ce157.jpg)
Հանրաճանաչ «Burberry» նորաձևության տունը ևս հրաժարվել է իր արտադրանքի մեջ բնական մորթու կիրառումից: Նորաձևության տան ղեկավար դիզայներ Ռիկարդո Տիշին օրերս պաշտոնապես հայտարարեց որոշման մասին:
Մինչ այսօր բրենդն իր արտադրանքում օգտագործում էր ջրաքիսի, աղվեսի, նապաստակի և ջրարջի մորթի: «Burberry» բրենդն արդեն միացել է ևս մի քանի խոշոր նորաձևության տների որոշմանը՝ ընտրություն կատարելով շրջական միջավայրի օգտին: Ավելի վաղ, նման հայտարարությամբ հանդես են եկել «Gucci» և «Versace» բրենդների ներկայացուցիչները:
Հայտարարվել է նաև չվաճառված ապրանքներն այրելու գործընթացից հրաժարվելու մասին: Հուլիս ամսին, բրենդը հայտնվեց սկանդալի կենտրոնում, քանի որ հայտնի դարձավ, որ 2017թ.-ին այս պատճառով այրվել է ավելի քան 28 մլն ֆունտ ստերլինգ արժողությամբ ապրանք: Չվաճառված ապրանքն այրվել է գնի անկումից խուսափելու նպատակով:
Այս թեմայով
![](/timthumb.php?src=http://econews.am/disk/12-10-22/31036ab8a947a76de9cb83942cd48553.jpg&w=300&h=200)
![](/timthumb.php?src=http://econews.am/disk/18-05-22/4af00d23a94f5700ab27fb6ea33311ef.jpg&w=300&h=200)
![](/timthumb.php?src=http://econews.am/disk/04-05-22/be666d5e62c7f236c0afcb1f20b670d8.jpg&w=300&h=200)
![](/timthumb.php?src=http://econews.am/disk/25-04-22/d0cfccfcdf6fefa109d56261c61eb67c.jpg&w=300&h=200)
![](/timthumb.php?src=http://econews.am/disk/04-11-21/18f0d422e1e96974d5f5a56c8adf8492.jpg&w=300&h=200)