Անտառային հրդեհների հետևանքով Հունաստանում 77 մարդ է զոհվել (տեսանյութ, ֆոտո)
![](https://econews.am/disk/25-07-18/33de3e312a34261dc2ac091dc10b1bc9.jpg)
![](https://econews.am/disk/25-07-18/49cab455f0383e09db492389979f7369.jpg)
![](https://econews.am/disk/25-07-18/07950a2716d381c7ac4e839c3ae494c6.jpg)
![](https://econews.am/disk/25-07-18/a8e64036de6dfabefc247bb7e980d049.jpg)
![](https://econews.am/disk/25-07-18/8ada988548f793c18baf0fa16a4e10b4.jpg)
![](https://econews.am/disk/25-07-18/32474656a6acf244b917fedf09b2e7a0.jpg)
Հունաստանում սաստակ անտառային հրդեհների հետևանքով տասնյակ մարդիկ են զոհվել: Երկրում եռօրյա սուգ է հայտարարվել: Վերջին տվյալների համաձայն՝ հրդեհների հետևանքով զոհվել է 77 մարդ: Վարչապետ Ալեքսիս Ցիպրասը հայտարարել է. «Երկիրն աննկարագրելի ողբերգություն է ապրում: Այսօր Հունաստանը սգի մեջ է»:
Հունաստանի հարավ-արևելքում բռնկված հրդեհն ամենախոշորն է վերջին տասնամյակների ընթացքում: Զոհվածների մեծամասնությունը չեն հասցրել լքել Մաթի գյուղը, որը Աթենքից 40 կմ հեռավորության վրա է գտնվում: Նրանք խեղդվել են սեփական տներում և մեքենաներում: Այս գյուղը հայտնի է զբոսաշրջիկների շրջանում: Քամու ուժգնությունը հասնում է 100 կմ/ժ-ի և հրդեհը տարածվում է մեծ արագությամբ:
Հարյուրավոր հրշեջներ պայքարում են կրակի դեմ, փրկարարները նավակներով և ուղղաթիռներով տարհանում են հրդեհված տարածքների բնակիչներին: Աթենքի ծայրամասերի որոշ բնակիչներ, ամեն դեպքում, լքել են իրենց տները:
Կարմիր Խաչի տվյալներով, Մաթի գյուղի տներից մեկում հայտնաբերվել են 26 զոհերի մարմիններ, այդ թվում նաև երեխաների: Հավանաբար, զոհերը կյանքի վերջին րոպեներին գրկախառնվել են: Դեպքը տեղի է ունեցել ծովից ընդամենը մի քանի մետր հեռավորության վրա:
Այս թեմայով
![](/timthumb.php?src=https://econews.am/disk/22-12-23/f3e1ce38a480b1db7bcdd8d5419f072c.jpg&w=300&h=200)
![](/timthumb.php?src=http://econews.am/disk/14-11-22/53668a4135094479e1b121499ec66b4c.jpg&w=300&h=200)
![](/timthumb.php?src=http://econews.am/disk/12-10-22/31036ab8a947a76de9cb83942cd48553.jpg&w=300&h=200)
![](/timthumb.php?src=http://econews.am/disk/03-10-22/3ed0cd88a585d0b9063c72d82930f05a.jpg&w=300&h=200)
![](/timthumb.php?src=http://econews.am/disk/28-09-22/670038f86dafd3cc3fe7618aaf9630b1.jpg&w=300&h=200)