Գյումրու փրկված փոքրիկ Լեոն հատուկ խնամք է ստանում (տեսանյութ)
![](https://econews.am/disk/02-06-18/6c1af3a31ebb3a5be4e18fe891b9aeb4.jpg)
Տեսանյութում Լեոն է. Գյումրիում տան մեջ, մարդկանց շրջապատում որոշ ժամանակ պահված արջի քոթոթը: Մայիս ամսին հնարավոր եղավ Լեոյին տեղափոխել առավել լավ պայմաններ ապահովող ապաստարան: Վայրի բնության և մշակութային արժեքների պահպանման հիմնադրամի (FPWC) ջանքերով Լեոն տեղափոխվեց Երևանի կենդանաբանական այգի:
Նշենք, որ ըստ նախնական տեղեկությունների, արջը վերցվել է վայրի բնությունից: Մասնավորապես՝ «տիրոջ» տրված բացատրության համաձայն, խոսքը գնում է Դիլիջան-Իջևան մայրուղու մասին: Սակայն, կասկածներ կան, որ այս դեպքը կապված է Հրազդանում տեղի ունեցած մայր արջի սպանության գործի հետ:
Երևանի կենդանաբանական այգում քոթոթը պահվում է կարանտինային պայմաններում: Մեզ հետ զրույցում Վայրի բնության և մշակութային արժեքների պահպանման հիմնադրամի (FPWC) Կովկասյան կենսաբազմազանության ապաստարանի համակարգող Մանուկ Մանուկյանը նշել էր, որ արջուկին առայժմ հատուկ խնամք է հարկավոր: Կենդանին կպահվի կարանտինային պայմաններում մինչև մեծանալը, ինչից հետո էլ հնարավոր է նրան վերադարձնեն վայրի բնություն: Հիշեցնենք, որ հիմնադրամն ունի նման փորձ. Զանգակ և Բամբակ արջերի վերադարձը վայրի բնություն:
Տեսանյութը հրապարակել է Կենդանիների միջազգային փրկարար կազմակերպությունը (International Animal Rescue), որը աջակցություն է ցուցաբերում Հայաստանում իրականացվող Արջերի փրկության մեծ ծրագրի իրականացմանը:
Այս թեմայով
![](/timthumb.php?src=https://econews.am/disk/17-10-23/c5edfa7f66ee4c1b568d55f48be94eb9.jpg&w=300&h=200)
![](/timthumb.php?src=https://econews.am/disk/12-09-23/b7c4e686dc359003d758ee55a27af324.jpg&w=300&h=200)
![](/timthumb.php?src=https://econews.am/disk/03-08-23/5f85b80b82d022d0e95410d9fb7523da.jpg&w=300&h=200)
![](/timthumb.php?src=http://econews.am/disk/14-11-22/53668a4135094479e1b121499ec66b4c.jpg&w=300&h=200)
![](/timthumb.php?src=http://econews.am/disk/07-11-22/bad84e7ba842c1a8651a51e527e27c34.jpg&w=300&h=200)