Հերթական արջը՝ բանտարկված Հանքավանի հանգստյան տներից մեկում. ահազանգ (ֆոտո)

«Կենդանասերները տեղեկացնում են, որ Հանքավանում` «Նաիրի սպա ռեզորթ» հանգստյան տանը վանդակի մեջ արջ են պահում»,- իր ֆեյսբուքյան էջում գրում է բնապահպան Կարինե Փանոսյանը:

Ահազանգին ի պատասխան Բնապահպանության և ընդերքի տեսչական մարմնի մամուլի քարտողար Վրույր Պեպանյանը նշել է. « ...շնորհակալություն մտահոգության համար։ Այս արջը ներառված է այն ցանկում որով Բնապահպանության և ընդերքի տեսչական մարմինը զբաղվում է արջերի հետ կապված խնդիրներին ամբողջական լուծում տալու նպատակով, ինչի արդյունքում արդեն մոտ մեկ տասնյակ արջ տեղափոխվել է Կենդանաբանական այգի կամ Ուրցաձորի ապաստարան»:

Վերջինս չնշեց արջի տեղափոխման հստակ ժամանակացույց՝ հավելելով, որ գործն ընթացքի մեջ է: