«Օբյեկտներում» բանտարկված արջերի խնդիրը կլուծվի. կառուցվում է նոր ապաստարան (տեսանյութ)

Վայրի բնության և մշակութային արժեքների պահպանման հիմնադրամի և գործընկերների ջանքերով Հայաստանում կառուցվում է արջերի պահպանման ապաստարան, որտեղ կլինեն բոլոր պայմանները կենդանիների խնամքի և հետագայում վայրի բնություն վերադարձի համար:

Ապաստարանի կառուցման աշխատանքներին ծանոթանալու նպատակով տարածք էր այցելել Բնապահպանության նախարարի տեղակալ Խաչիկ Հակոբյանը:

Ծրագրին աջակցող Կենդանիների միջազգային փրկարար կազմակերպության գործադիր տնօրեն Ալան Նայթը մեզ հետ զրույցում կարևորեց նման ապաստարանի ստեղծումը Հայաստանում: