Մենք հավատում ենք, որ ապագան պետք է լավ լինի. նոր անտառակայան՝ Կովկասյան կենսաբազմազանության ապաստարանում (տեսանյութ)

Հունիսի 26-ին Կովկասյան կենսաբազմազանության ապաստարանում բացվեց նոր անտառակայան: Բացման արարողությանը ներկա էին Վայրի բնության և մշակութային արժեքների պահպանման հիմնադրամի հիմնադիր (FPWC) Ռուբեն Խաչատրյանը, ՎիվաՍել-ՄՏՍ-ի գլխավոր տնօրեն Ռալֆ Յիրիկյանը, ՀՀ բնապահպանության նախարարի տեղակալ Խաչիկ Հակոբյանը և այլոք:

Էկո-նյութերով կառուցված և նորագույն «կանաչ» տեխնոլոգիաներով հագեցված այս անտառակայանի հիմնական նպատակը բնապահպանության ոլորտում գիտակրթական ուսումնասիրությունների խթանումն է:

Անտառակայանը կառուցվել է Վայրի բնության և մշակութային արժեքների պահպանման հիմնադրամի ջանքերով: Ծրագրին աջակցել են նաև Բնության պահպանության միջազգային միության Նիդերլադների կոմիտեն (IUCN NL) և ՎիվաՍել-ՄՏՍ-ը՝ «Կովկասյան կենսաբազմազանության ապաստարանի հզորացում» ծրագրի շրջանակներում: