Կրկնապատկվել է Իրանից նավթի արտահանման ծավալը

Իրանական Shana լրատվական գործակալության փոխանցմամբ՝ հունիսին Իրանում նավթի օրական արդյունահանման ծավալը հասցվելու է մինչև 3.8 միլիոն բարելի, ինչը 40 տոկոսով գերազանցում է պատժամիջոցների ժամանակ եղած ցուցանիշը:

Այդ մասին հայտարարել է Իրանի նավթային արդյունաբերության նախարար Բիժան Նամդար Զանգանեն: Նրա խոսքով՝ ներկայումս Իրանն օրական արտահանում է 1.94 միլիոն բարել նավթ, ինչը կրկնակի գերազանցում է պատժամիջոցների ժամանակ առկա ցուցանիշը:

ՕՊԵԿ-ի տվյալներով՝ մայիսի վերջին Իրանում նավթի արդյունահանումը կազմել է օրական 3.562.000 բարել նավթ, ինչը ապրիլի համեմատ 90.000 բարելով ավելին է: